Workers' Standpoint 082313 - P10B Pork Barrel Scam

Workers' Standpoint 081413 - Batayang Prinsipyo ng BMP

(Mula sa pahayagang Workers' Standpoint, Taon 2, Bilang 1, na may petsang Agosto 14, 2013, at inilathala ng Labor Education Collective.)

Mula sa Editoryal Board: Sa darating na Setyembre 14, dalawang dekada na ang Bukluran ng Manggagawang Pilipino (BMP). Sa okasyong ito, muli nating sariwain ang mga prinsipyong nagbubuklod sa ating bukluran. Pagtibayin ang pundasyon ng ating mga gawain at aktibidad. Mainternalisa ang malalim at makabuluhang mga batayan ng ating pagbubuklod. At sariwain ang diwa ng tiwala't respeto sa bawat isa bilang mga kasama sa sosyalistang kilusang paggawa.

Nasa ibaba ang ating "Artikulo II. Deklarasyon ng mga Prinsipyo at Layunin" ng ating Konstitusyon na inamyemdahan at pinagtibay ng BMP Congress noong 2011.

ANG ATING BATAYANG MGA PRINSIPYO

Ang Uring Manggagawa ang Tanging Rebolusyonaryong Uri

Kinakatawan ng manggagawa ang interes ng sangkatauhan at tunay na hustisyang panlipunan.

Hindi lamang dahil ang manggagawa - na walang pribadong pag-aari kundi lakas-paggawa at mabubuhay lamang sa pagbebenta nito kapalit ng sahod - ay ang mayorya at patuloy na lumalaking mayorya ng lipunan.

Higit dito, ang kanyang istorikal na misyon ay pawiin ang pribadong pag-aari ng mga kasangkapan at materyales sa produksyon - na siyang ugat ng kahirapan, kaapihan at pagsasamantala ng tao sa tao.

Sobra-sobrang kasaganahan na ang nalilikha ng tao - sa pamamagitan ng paggawa - ngunit ito ay tinatamasa lamang ng iilang panginoong may kapital.

Ang manggagawa ay sahurang alipin. Hindi lamang dahil siya mismo ay isang kalakal. Mas pa, dahil ang tubo ay nagmumula sa labis na halagang hindi binabayaran at ang sahod ay para lamang mabuhay at makapagtrabaho ang manggagawa.

Ang sistemang panlipunang ito na nakapundar sa pang-aalipin ng manggagawa ay ang kapitalismo. Ito ay kasalukuyang nasa mataas na yugto ng kanyang istorikal na pag-unlad - ang imperyalismo - na siyang dahilan ng pandarambong ng abanteng kapitalistang bansa sa atrasadong mga bansa gaya ng Pilipinas.

Ang Paglaya ng Manggagawa ay Nasa Kamay Mismo ng Manggagawa

Walang magpapalaya sa manggagawa mula sa pribadong pag-aari kundi ang kanyang sarili. Ang paglaya ng manggagawa ay makakamit lamang kung sila ay mulat sa kanilang interes bilang uri. Kung sila ay may kamalayang komon ang kanilang interes dahil sa iisa nilang pamamaraan para mabuhay - ang pagbebenta ng lakas-paggawa.

Ang unyonistang kamalayan ay binhi pa lamang ng makauring kamalayan.

Sa pag-uunyon, nagagawang mamulat ang manggagawa 'bilang empleyado'. Ang pag-uunyon ay pagpapataas at pagpapabuti lamang sa presyo at kondisyon ng pagkaalipin ng manggagawa.

Tunggalian ng Uri para sa Gubyerno ng Manggagawa

Ang pagkamulat ng manggagawa bilang uri ay hindi maiiwasang maging pulitikal ang katangian. Pulitikal ang nilalaman ng tunay at ganap na kamalayang makauri. Bahagi nito ang pagsusuri sa kasalukuyang estado bilang instrumento sa pananatili ng pagsasamantala ng kapital sa manggagawa, ng iilan sa nakararami.

Ang pagkamulat ng manggagawa bilang uri ay kumikilala sa pangangailangang itayo ang gubyerno ng manggagawa - ang pagkakaorganisa ng manggagawa bilang naghaharing uri.

Tungkulin ng estado ng manggagawa na ilatag ang mga kondisyon para sa pagpawi ng pribadong pag-aari at pagsasamantala ng tao sa tao. Nangangahulugan ito ng ganap na pagbabago sa ugnayan ng mga tao sa lipunan, isang tuluy-tuloy na transpormasyon nito mula sa lipunang kapitalismo tungo sa sosyalismo - ang lipunan ng manggagawa, kung saan ang mga kasangkapan at materyales sa produksyon ay hindi na pribadong pag-aari at ang pangangailangang malilikha mula rito ay matatamasa na ng mayorya sa lipunan.

Ang pagrurok ng tunggalian ng mga uri at ang pagkamulat at pagkakaorganisa ng manggagawa bilang uri ang dalawang mahahalagang kondisyon para agawin ng uring manggagawa ang kapangyarihang pampulitika at itayo ang sarili nitong gubyerno.

Ang pag-uunyon ay iskwelahan ng tunggalian ng uri sapagkat dito nagsisimulang makita ng manggagawa ang paggalaw ng iba't ibang uri sa lipunan at kung paano nagsisilbi sa interes ng kapital ang kasalukuyang estado.

Manggagawa bilang Lider ng Bayan

Ang Pilipinas ay isang atrasadong kapitalistang bansa. Pinagdudusahan hindi lamang ng manggagawa kundi ng iba pang mga uri at sektor - gaya ng magsasaka at ng petiburges ng lungsod at kanayunan ang makupad na pag-unlad ng kapitalismo sa bansa bunga ng imperyalismo.

Umaapi rin sa taumbayan ang pagiging bulok at depormado ng burges na demokrasya sa bansa, na nagkakait sa kanila ng batayang mga pampulitikang karapatan at kalayaang sibil.

Ang pagkakamit ng mga batayang karapatang ito sa ilalim ng kapitalistang lipunan ay hindi solusyon sa sahurang pang-aalipin kundi mga reporma lamang sa isang sistemang hindi lamang tadtad ng depekto kundi ito mismo ay depektibo.

Ganunpaman, ang pakikibaka para sa mga demokratikong karapatan ay magsisilbi para sa pampulitikang preparasyon ng manggagawa upang siya ay mamulat bilang uri.

Ang manggagawa ay mamumulat sa pakikibaka. Ito ang magbibigay sa kanya ng pampulitikang karanasang magtuturo sa kanya sa kakapusan ng mismong pagrereporma sa kapitalismo. Pakikibaka ang pinakamabisang guro ng manggagawa, higit pa sa libo-libong polyeto at mga programa.

Ang pamumuno ng manggagawa sa laban ng bayan ang garantiya sa ganap na tagumpay ng naturang mga reporma at ng demokratikong pakikibaka.

Organisahin ang Manggagawa bilang Uri

Ang saligang tungkulin ng BMP ay pag-oorganisa sa pagkakaisa ng manggagawa bilang uri. Pumapatungkol ito sa pampulitikang pag-oorganisa, ng tuluy-tuloy na pagmumulat sa kanilang istorikal na tungkulin para pawiin ang pribadong pag-aari at itayo ang sosyalistang lipunan.

Ang ispesyalisasyon ng BMP ay pampulitikang pag-oorganisa para sa paglakas ng kabuuang kilusang paggawa sa bansa, kasama ang kilusang unyon.

Proletaryong Internasyunalismo

Dahil ang pang-aapi sa uring manggagawa bilang mga sahurang alipin ay isang pandaigdigang sistema, ang pakikibaka ng manggagawang Pilipino ay di maiiwasang magkaroon ng internasyunal na katangian. Mismo ang paglaya at pag-unlad ng bansang Pilipinas ay di magkaroon ng ganap na katuparan hangga't ang kapangyarihan ng imperyalismo ay naghahari sa buong daigdig.

Ang ganap na katuparan ng sosyalistang misyon ng uring manggagawa sa mga bansang gaya ng Pilipinas ay mapagpasyang nakasalalay sa pagsulong ng internasyunal na kilusan ng uring manggagawa laban sa pandaigdigang kapital at kapangyarihan ng imperyalismo. Sa batayang ito ang panawagang "Manggagawa sa lahat ng bansa, Magkaisa" ay isang sentral na prinsipyo para sa BMP, at ang pakikibaka't tagumpay ng manggagawang Pilipino laban sa paghahari ng imperyalismo sa bansa ang pinakamalaking ambag natin sa kilusang manggagawa  sa buong daigdig.

Workers' Standpoint 081213 - Kaltas sa SSS

Umento Muna Bago Bagong Kaltas sa Sweldo - BMP

PAHAYAG

Agosto 12, 2013

Bukluran ng Manggagawang Pilipino (BMP)

Umento Muna Bago Bagong Kaltas sa Sweldo

Ang plano para sa dagdag na kaltas sa ating take-home pay - sa anyo ng pagtataas sa employees' contribution sa Social Security System (SSS) - ay bagong pahirap sa mga manggagawa.

Hindi namin itinatanggi na kailangang dagdagan ang pondo ng SSS upang lutasin ang P1.077 Trilyon na "unfunded liabilities" nito noong 2011. Ang aming inirereklamo ay ang pananaw ng SSS board na maliit lang naman daw ang hinihingi sa mga manggagawa. Ang average na dagdag na kaltas ay nasa P56 kada buwan o P2.50 kada araw lamang. 

Sa kabila ng pagtutol ng BMP sa panukalang ito, nais naming bigyang-diin ang aming pagkilala sa mabuting intensyon ng SSS board na pangalagaan ang pondo ng manggagawa para sa oras ng mga sakuna at sa panahon ng pagreretiro. Ganundin, magkaiba man ang aming pananaw sa partikular na isyung ito, hindi nababawasan ang respeto ng BMP kay kasamang Danny Edralin ng Alliance of Progressive Labor (APL) na nasa SSS board.

Gayon, inirerehistro ng BMP ang susumunod na mga kadahilanan ng aming paninindigan:  

• Una, magkaiba ang ating barometro ng "malaki" at "maliit". Ito ay relatibong usapin. Sa kumikita ng mas mataas sa minimum wage, maari itong ituring na barya. Ngunit para sa mga minimum wage earner, laluna sa kontraktwal at sa mga nasa probinsya na mas maliit ang sinisweldo, ang dagdag na kaltas ay pagkakait sa isang pamilya ng isa't kalahating kilo ng bigas kada buwan. Kung dalawa ang nagtatrabaho sa isang household, katumbas na ito ng tatlong kilo.

Kalabisang dagdagan ang kaltas sa sahod ng manggagawa dahil ang kanilang tinatanggap ay wala pa sa kalahati ng "cost of living" o living wage (mahigit P1,000 kada araw sa pamilyang may anim (6) katao), na isang Konstitusyunal na obligasyon ng gobyerno na tiyaking binibigay sa mga empleyado.

• Ikalawa, ang bagong kaltas na ito ay panibagong pasaning buwis sa manggagawa. Nakakainsultong dagdagan pa ng kaltas sa sweldo ang mga empleyado. Kami na nga ang pinamasugid na taxpayer sa bansa kumpara sa mga negosyante't propesyunal, ayon mismo sa kamakailan lang na pahayag ni BIR Commissioner Kim Henares. Ang sinisweldo, may withholding tax. Ang overtime, napupunta sa tax. Kapag gumamit ng kuryente't tubig, may 12% VAT. Sobra-sobra na ang buwis sa manggagawa.

• Ikatlo, nais po naming ilinaw na ang ganitong pagtutol ay nagmumula sa konsiderasyon sa abang kalagayan ng sektor ng paggawa. Kulang na kulang na nga ang sweldo ay kakaltasan pa! Lalupa't tumataas pa ang presyo ng mga pangangailangan ng taumbayan (kuryente, langis, tubig, atbp.), na kinukumpirma ng mga datos sa inflation rate ng NEDA at NSO.

Pero sabihin mang nagmumula ito sa "katigasan ng ulo", nais naming sisihin ang mga kapitalista at ang gobyerno dahil sila mismo ang aming pinamamarisan. Sa mga negosasyon ng collective bargaining agreement (CBA) at sa mga regional wage board, tila dumadaan sa butas ng karayom ang bawat pisong dagdag sa sweldo na aming hinihiling. Bakit ngayon na ang pagtutol sa bawat pisong ikakaltas sa sahod ng manggagawa ay ituturing na "pagmamatigas"? 

Bilang counter-proposal, at patunay na handa kaming makipagkompromiso, papayag po ang BMP na dagdagan ang employees' contribution sa kondisyong itaas muna ang sweldo ng mga manggagawa. Mas mainam kung ang SSS board ay maging ganap na kakampi ng manggagawang kanilang sineserbisyuhan, sa pakikiisa sa aming kahilingang isabatas ang isang nationwide, across-the-board na wage increase. At habang hindi naisasabatas ang umento, dapat solong karguhin ng mga employer ang kinakailangang kontribusyon upang hindi lumubog sa pagkalugi ang SSS.#

LTTE: "Pilipinas para sa Dayuhan" just like "Quezon City para sa Mayayaman"

LETTER TO THE EDITOR

July 12, 2013

Leody de Guzman

National President, Bukluran ng Manggagawang Pilipino (BMP)

#76 K-7th Street, Bgy. East Kamias, Quezon City

"Pilipinas para sa Dayuhan"

just like "Quezon City para sa Mayayaman"

Rep. Belmonte's proposed Cha-cha (PDI, 7/9/2013) is much like the recent forced eviction of urban poor settlers for the construction of the so-called Quezon City Business District (QCBD). It is favorable only to rich investors like the Ayalas.

He wants to erase "national patrimony" and "sovereignty" from the Constitution just to appease and attract transnational investments. If the demolition of informal settlers was "Quezon City para sa mayayaman", with the proposed Constitutional amendments, the veteran lawmaker now aims for "Pilipinas para sa dayuhan".

Under Rep. Belmonte’s version of the Charter, where protectionist provisions such as the 40% restriction of foreign ownership of land are removed, it is not far-fetched to find 90% of Filipinos becoming squatters in our own homeland.

A charter change for the removal of economic provisions that protect the national economy is nothing but a blatant "re-colonization" of the country by foreign powers. It means the plunder and exploitation of our country's resources, not only of our natural resources but also of our hardworking labor force.

The BMP believes that this kind of Charter Change, which is subservient to the caprices of foreign capital, would demolish the Constitutional rights of labor. Workers' right to live decently would become subordinate to property rights.

Despite its flaws, the present Constitution obliged the State to grant “full protection to labor”. Labor is likewise recognized as the “primary social economic force”. It enjoys the primacy over non-human inputs in the production process; hence, the enactment of labor rights and standards.

But for Belmonte’s masters – monopoly corporations now seeking higher rates of profit in developing countries after the 2008 global financial crisis – such protection to labor is outdated and obsolete. Simply because it hikes the price of labor and workers are regarded not as human beings but as a mere “cost” in their book of accounts and a simple commodity, which they must buy at lower prices. People before profit! #

Ang BMP sa panahon ni Ka Popoy - ni Pohlee Hernandez

Paalala: Ang artikulong ito'y ambag sa aklat na BMP 20, na alay para sa ika-20 anibersaryo ng BMP sa 14 Setyembre 2013.

ANG BMP SA PANAHON NI KA POPOY

ni Pohlee C. Hernandez

Halos baguhan pa lang ako noon sa pederasyong United Workers of the Philippines o UWP na ngayon ay SUPER na o Solidarity of Union in the Philippines for Empowerment and Reform. Ang aking task ay gawaing edukasyon at paminsan-minsan ay gumagampan ng OD work. Ang narinig ko na isang mabigat na problema noong mga panahong iyon sa pederasyon ay CBA negotiation sa unyon ng Chivalry food sa Malabon. Ayaw na kasi ng management na makipag-negotiate dahil ang gusto niya ay isara ang kompanya at bayaran na lamang ng separation pay ang mga manggagawa. Mayroon din siyang offer sa pederasyon na halagang P300,000.00 para naman kumbinsihin ang pamunuan ng unyon na pumayag na sa gusto ng management.

Si Ginoong Amado Ching ang sugo ng management upang makipag-usap sa mga opisyales ng pederasyon at magpaliwanag na din ng plano ng management. Ang analisis dito ng mga top officers ng UWP ay pansamantala lang ang pagsasara dahil ang talagang layunin ng kapitalista ay mawala ang unyon. Sa puntong ito ay agad na ipinatawag ng National Executive Council ng pederasyon ang mga lider ng unyon upang ilatag ang plano ng management at maibaba ang analisis ng mga officers ng UWP. Nagkaisa ang pamunuan ng unyon at pederasyon na ipaglaban ang karapatan sa trabaho at sa CBA. Ilang beses na negotiation pero matigas ang kompanya sa kanyang stand. 

Sa pagkakataong ito ay inilapit na ng pederasyon sa BMP ang problema at sa pamamagitan ni ka Popoy ay isinalang ang tactics plan ng UWP, BMP at ng unyon. Sa Barrio Fiesta ginanap ang pag-uusap. Ang representante ng kapitalista ay si Mr. Ching at sa pederasyon naman ay ang Pangulo, Vice at si ka Popoy. Nagboluntaryo akong sumama na ang layunin ko ay makapulot ng karanasan sa negosasyon at syempre pa para makakain sa Barrio Fiesta.

Unang inihain ang sopas, sabi ko sa sarili ko, hindi ako nagkamali na sumama kasi totoo nga pala na masarap ang pagkain kasi sopas pa lang, ulam na. Di kaginsaginsa sa pagitan ng mga pag-uusap ay narinig ko na tumaas ang tinig ni ka Popoy. Ang mga binitiwan niyang kataga sa aking pagkakaalala eh ganito. "Subukan ninyo ng amo mo na isara ang pabrika at pati mga mata ninyo ay isasara ko." Naku po! Ito pala ang ka Popoy na naririnig ko. First time ko makadaupangpalad at makasalamuha si ka Popoy. Habang kumakain na ako ng main dish eh parang wala akong malasahan. Nanginginig ang aking daliri at umiikot ang aking mga mata. Ang iniisip ko ng mga sandaling iyon ay kung saan ako tatakbong palabas if ever na magkagulo.

Sinulyapan ko si Mr. Ching, namumutla rin siya at nanginginig din ang mga kamay. Nakita ko si ka Popoy na tumayo na at umalis na ng restawrant. Tinanong ni Mr. Ching sa aming Presidente kung sino si ka Popoy? Ang sagot ng aming Presidente ay lider ng ABB. Mga ilang linggo ang lumipas at ayun hindi na isinara ang kompanya at natuloy ang collective bargaining agreement negotiation sa Chivalry Food. Marami pang mga CBA nego na matagumpay na nairaraos ng mga panahong iyon na kabalikat ng UWP ang pamunuan ng BMP.

Nagkaroon din noon ng internal problem sa loob ng pederasyon. Nagkanya-kanyang grupo ang mga ilang personahe. May hibo ng pag-aagawan ng liderato, may mga character assassination na sa bawat isa. Nang makaabot ito sa kaalaman ng pamunuan ng BMP ay kagyat na ipinatawag ang mga ilang susing lider. Pinagharap-harap. Makalipas ang ilang panahon at bumalik ang dating lakas, tatag at ipinagpatuloy ang pagpapalawak sa hanay ng UWP.

Ang aking obserbasyon ay muli kaming naging inspirado na magpatuloy sa mga gawain sa loob at labas ng UWP. Ang taas ng momentum ng mga manggagawa. Ramdam ang Labor Power. Halos lahat ng ipinutok na welga ay nagtagumpay. Iyon ang aking mga alaala sa panahon ng pamumuno ni ka Popoy sa BMP. 

Noong mag-umpisa na naman na magkaroon ng internal problem sa SUPER, lagi-laging pumapasok sa isip ko na nangyari na ito noon at pareho din ang kahahantungan na maisasaayos din ang lahat. Pero bigo ako, hindi nangyari ang aking inaasahan. Taon pa ang binilang at sa dulo ay ginanap pa ang ispesyal na Kongreso. Hanggang ngayon ay mayroon pa din na mga banta ng pagkawasak sa aming pederasyon. Tanong lang, kung ito kaya ay nangyari noon na ang namumuno sa BMP ay si ka Popoy, maibabalik kaya ang sigla, lakas at katatagan ng SUPER? Mapaparusahan kaya ang mga taong gumagawa ng katampalasanan sa organisasyon para sa kanya-kanyang personal na interes?

Ang lahat ng ito ay mananatili na lamang sigurong mga katanungan na aking aalalahanin tuwing sasapit ang anibersaryo ng BMP. Isang mapagpalayang pagbati sa ika-20 anibersaryo ng Bukluran ng Manggagawang Pilipino!

06 Hunyo 2013

Ang Manggagawa - ni Lorena "Ohyie" Purificacion

ANG MANGGAGAWA

ni Lorena Purificacion

Sana ay hindi limot ng manggagawa

na ang lakas ng kanyang bisig..

na ang kanyang mapanlikhang kamay,,

na ang kanyang mapagmahal na puso..

na ang kanyang matalas na isip..

ang dahilan bakit may mga nagtatayugan na mga gusali..

magagarang nga damit..pagkain..

at lahat ng tinatamasang luho at karangyaan sa buhay ng iilan..

Sana ay makilala ng manggagawa ang kanyan sarili..

hindi lamang bilang sahuran..kundi bilang isang uri..

na maghahangad na makamit ang malayang daigdig..

walang nagsasamanta at nang-aapi..

Mangagawa!! ikaw ang maglalagot ng tanikala..

sa isang rebolusyon..ang tagumpay nasa iyong mga kamay..

MABUHAY KA!!

Mayo 1, 2013

 Si Lorena "Ohyie" Purificacion ay isang manunulat, makata, at lider-manggagawa. Dati siyang pangulo ng unyon ng mga manggagawa ng Noritake sa Marikina.