Marangal na Trabaho - Marangal na Buhay - BMP-ST

Sumama sa pagbabago...
SA 2010 ELECTION: TAUMBAYAN NAMAN!
mula sa BMP-ST

Simula ng mauso ang eleksyon, ang laging tema ng halalan sa bansa ay pagalingan ng mga plataporma o pangako ng mga kandidato.

Lahat ay nagpapahayag ng mga programa o plataporma ukol sa kaunlaran ng bansa, mabuting pamamahala, katarungang panlipunan, matapat na serbisyo, pagpuksa sa korapsyon, peace and order, trabaho at kabuhayan, edukasyon, kalusugan, pangangalaga sa kapaligiran, pagpawi ng kahirapan, paggalang sa demokrasya at karapatang pantao, pangangalaga sa mga OFWs, murang pabahay at marami pang iba. Kulang na lang ipangako pati ang langit. May sumpaan at pirmahan pa ukol sa malinis at mapayapang halalan.

Subalit ating pansinin, hindi ba't paulit-ulit na lamang ang mga pangakong ito, recycled, parang ukay-ukay. Nagpapalitan lang ng mukha at posisyon ang mga nanunungkulan, habang ang taumbayan ay patuloy na bigo sa mga inaasahang pangako.

Hanggang kailan tayo aasa? Hindi ba't kalabisan na ang mahigit limampung (50) taon na ipinaubaya natin sa mga pulitiko ang kinabukasan ng ating pamilya? Hindi ba't ang mga recycled nilang pangako ang mismong patunay sa bulok na sistema ng halalan at pamamahala sa bansa? Na kung saan, sakalakhan, angkarapatang bumoto ay katumbas lamang ng kalayaang pumili kung sinu-sino ang susunod na magpapasasa sa kapangyarihan.

Ngayong 2010 election, wakasan na natin ang pasibong partisipasyon ng taumbayan sa halalan na tagapanood lamang ng mga patalastas o meeting-de-avance! Yamang ang boto ng taumbayan ang basehan kung sinu-sino ang pupwesto sa gobyerno, kung gayon, ang karapatang bumoto ay mabisang sandata't kapangyarihan upang itadhana ang mga programa't plataporma na dapat isakatuparan ng mga kandidato, sinuman sa kanila ang iproklama ng Comelec.

Panahon na upang itanghal sa entablado ng pulitika ang landas sa tunay na pagbabago tungo sa kapalaran ng bawat tao; ng mga manggagawa sa pribado at gobyerno, magsasaka't magbubukid, mangingisda, manggagawa sa transportasyon, guro at mga propesyunal, vendors, OFWs, kabataan at estudyante, kababaihan, senior citizens, mga disabled, mga unemployed, at higit sa lahat, ng susunod na henerasyon - walang iba kundi ang ating mga anak at apo. Paano ito maisasagawa? Organisahin ang ating mga sarili, bawat isa, lahat tayo, batay sa isang mithiin, sa isang programa't plataporma!

Mithiin ng bawat Pilipino ang isang MARANGAL NA TRABAHO - MARANGAL NA BUHAY (MT-MB). Ito ang sumada ng ating programaoaksyon-platapormabilang mandatong igagawad sa mga nag-aambisyong manungkulan sa gobyerno, mula sa pambansa hanggang sa lokal na pamahalaan. Ito ang ating panuntunan sa 2010 Election at sa mga susunod pang halalan hanggang sa ganap na umiral ang MT-MB para sa lahat.

Ano ang Marangal na Trabaho - Marangal na Buhay?

Ito ay halaw sa Decent Wok Agenda na binalangkas ngInternational Labor Organization noong 1999. Ayon kay Juan Somavia, Director General ng ILO, Ang pangunahing layunin ng ILO ay isulong ang oportunidad ng mga kababaihan at kalalakihan na makamit ang desente at produktibong paggawa sakondisyong may kalayaan, pagkakapantay-pantay, seguridad at makataong dignidad.

Ang Decent Work Agenda ay masusuma sa apat na estratehikong layunin (o Four Pillars):
1. Maisakatuparan ang mga batayang prinsipyo at karapatan sa paggawa at internasyunal na pamantayan sa paggawa (international labor standards);
2. Sapat na oportunidad sa empleyo at kita;
3. Mapairal ang panlipunang potekyon at panlipunang seguridad;
4. Maisapraktika ang panlipunang diyalogo at tripartismo.

Sumasaklawang mga layuning ito sa lahat ng tao, manggagawa, lalaki man o babae, nasa pormal o impormal na ekonomya, sahuran man o sariling paggawa; nasa bukid, pabrika o opisina; nasa kanilang mga tahanan, o nasa komunidad.

Nakapaloob din ito sa Phil. National Action Plan for Decent Work (2002-2005) na siya ring pinaghalawan ng League of Municipalities of the Phil., League of Provinces of the Phils., at Union of Local Authorities of the Phil. upang isanib ang Decent Work Agenda sa kanilang local development plans.

Sa diwa, ang Marangal na Trabaho - Marangal na Buhay ay hindi nalalayo sa mga pangako o plataporma ng mga pulitiko.

Ngayong 2010 election, ibubukas natin sa mga pulitiko ang Marangal na Trabaho - Marangal na Buhay bilang aksyon-plataporma ng taumbayan. Kung sinsero sila sa kanilang mga ipinapangako, hahamunin natin silang isulat sa kanilang plataporma ang mga ispesipikong programa na magsusulong ng Marangal na Trabaho - Marangal na Buhay sa kanilang constituents.

Sa panimulang yugto, ang mga aksyon-plataporma ng MT-MB ay ang mga sumusunod:
1. Tuloy-tuloy na paglikha ng mga trabaho at kabuhayan hanggang mapawi ang karukhaan.
2. Pagsasakatuparan ng sahod na nakabubuhay (family living wage)
3.Pagsasakatuparan ng regular na empleyo (Art. 280, Labor Code) at seguridad sa trabaho.
4. Ganap at walang pasubaling pagbabawal sa Labor Only Contracting (LOC) na may kaukulang kaparusahan na pagkabilanggo, multa at kabayaran sa mga biktima.
5. Ganap na kalayaan at karapatan sa pag-oorganisa, pagtatayo ng mga samahan at pakikipagtawaran ng mga manggagawa sa industriya, agrikultura, serbisyo at gobyerno.
6.Ipatupad ng walang pasubali ang International at Philippine Labor Standards. Kriminalisasyon sa may paglabag.
7. Isabatas ang profit sharing.
8. Isabatas ang mandatory Trust Fund sa retirement, gratuity pay at separation pay para sa lahat ng manggagawa.
9. Isabatas ang Unemployment Insurance.
10. Isabatas ang anim na oras at anim na araw na paggawa sa isang linggo (6 hours work a day at 6 days work a week) nang walang kabawasan sa sahod at benpisyo, nang sa gayo'y dumami ang oportunidad sa empleyo.
11. Sapat na proyektong pangkabuhayan para sa mga informal sectors.
12. Isakatuparan ang pondo ng LGUs para sa Gender at Development programs.
13. Paunlarin at palawakin ang mga bnepisyo at oportunidad para sa mga senior citizens at disabled persons.
14. Palawakin ang programa at laanan ng sapat na pondo ang libreng edukasyon at serbisyong medikal para sa mga mahihirap.
15. Isakatuparan ang 10% discount sa presyo ng gasolina, krudo, spare parts at langis para sa mga drivers ng tricycle,jeepney at taxi.
16. Abot-kayang pabahay sa mga maralita.
17. Ligtas na relokasyon, sapat na serbisyo at kabuhayan sa mga pamilyang naninirahan sa mga danger zones.
18. Isakatuparan ang demokratikong partisipasyon ng mamamayan sa pagtatakda at pagpapasya sa mga programa, proyekto at taunang budget ng lokal na pamahalaan.
19. Ipatupad ang sektoral na representasyon ng mga marginalized sectors sa Lokal na Sanggunian ng bawat lokal na pamahalaan.
20. Itayo ang People's Council bilang katuwang ng mga lokal na pamahalaan sa pagbabalangkas at pagpapatupad ng programa sa pagkakamit ngMT-MB.

Ang mga ito ay panimula lamang, bukas sa pagbabago at pagpapaunlad habang patuloy na isinusulong. Ang tagumpay ng Marangal na Trabaho - Marangal na Buhay ay hindi madaling kamtin. Ito ay pangunahing nakasalalay sa dalawang elemento. Una ay ang pagluluklok ng mga kaagapay na lingkod-bayan na tapat at sinsero sa platapormang ito. Ikalawa ay ang patuloy na paglaganap at paglawak ng mamamayan na nakikiisa't naninindigan sa ikatatagumpay nito. Kapag sa bawat bayan at lungsod ay naabot na ang mayoryang bilangng mamamayan na nakikiisa sa Marangal na Trabaho - Marangal na Buhay, kung sa bawat pabrika, komunidad, tahanan, eskwelahan, palengke, bukirin at lansangan ay nakapundar na ang kilusan para sa MT-MB, hindi na mahirap kamtin ang unang elemento.

Tungo rito, simulan natin ang unang halbang. Itatag ang kilusan ng taumbayan para sa Marangal na Trabaho - Marangal na Buhay! Ipundar ang mga grupo o cells ng MT-MB sa ating mga lugar ng trabaho, hanapbuhay at paninirahan.

Ibalik sa trabaho ang 127 manggagawang tinanggal sa Goldilocks!

Para sa: Lahat ng Unyon, Asosasyon at Buklod

Hinggil sa: Suporta sa Laban ng mga Manggagawang Tinanggal sa Goldilocks

Mula sa: Komiteng Tagapagpaganap

Petsa: Pebrero 17, 2010

-----------------------------------------------------------------------------------------------------------

Ibalik sa trabaho ang 127 manggagawang tinanggal sa Goldilocks!

Tinanggal ang 127 lider manggagawa ng Goldilocks noong Feb. 8, 2010. Tinanggal sila sa kasong hindi nila ginawa. Hinatulan sila ng illegal strike ng NLRC, gayong wala namang nakasampang kaso ng illegal strike at sa katotohanan, hindi naglunsad ng strike ang mga manggagawa ng Goldilocks.

Nagsimula ang usapin nang ang Bukluran ng Independyenteng Samahang Itinatag sa Goldilocks (BISIG), bilang nanalong unyon sa ginanap na Certification Election (CE), ay naghapag sa management ng CBA proposal. Tinangihan ng management ang pakikipagharap sa BISIG sa katwirang naghahabol pa ang natalong unyon (BUKLOD). Dahil dito, nagsampa ng Notice of Strike (NOS) ang BISIG sa DOLE sa kasong; 1) Refusal to Bargain; 2) Illegal suspension ng mga lider na aktibo sa pangangampanya sa BISIG; 3) Illegal Transfer ng Presidente ng BISIG, paglilipat mula sa SM Cubao patungong SM Molino, Cavite, gayong may binuksan namang branch sa Ali Mall na katabi lang ng SM sa Cubao; at 4) Discrimination sa pagbibigay ng P13 as Advance CBA sa mga manggagawa at di binigyan ang mga aktibong lider at kasapi ng BISIG.

Nang dumating ang araw na ipuputok na ang strike, nag-intervene ang DOLE, naglabas ng Assumption of Jurisdiction (AJ) ang Secretary of Labor, pero ang problema, binitawan ang kaso at ipinasa sa NLRC. Ang NLRC ang duminig at nagdesisyon sa apat (4) na asunto na nilalaman ng NOS.

Sa desisyon, pinaburan ng NLRC ang management. Inutusan ang management na makipag-CBA na sa natalong unyon, legal din daw ang suspension at ang transfer. Walang desisyon sa pang-apat pero nagdagdag ng isa pang hatol, iligal daw ang strike na ginawa ng mga manggagawa at tanggal ang 127 na nakilalang lumahok.

Ginawang strike ng NLRC ang picket protest na inilunsad ng mga manggagawa noong Mayo 27, 2009 pagkalabas nila ng trabaho. Subalit mula Mayo 27 hanggang sa madisisyunan ang pagtatanggal sa 127 lider, walang reklamong strike na inihapag ang management laban sa BISIG. Sariling diskarte lang ng Division 6 ng NLRC ang ipuslit ang kasong illegal strike para lang lagyan ng batayang tanggalin ang mga manggagawa.

Kung magkano ang dahilan ay hindi natin alam. Pero ang isang klaro, sabwatan ito ng management at ng Division 6 sa katauhan ni Commissioner Nieves De Cash-tro, Palacol at Ontiguera. Napatunayan ang sabwatang ito ng kailan lamang ay naglabas ng desisyon ang Court of Appeals na di pwedeng makipagnegotiate sa CBA ang management sa isang natalong unyon kahit pa makansela ang rehistro ng BISIG bilang nanalong unyon.

Ang naganap na tanggalan ay pakana ng management ng Goldiolocks. Ayaw ng Goldilocks na magkaroon ng tunay na unyon sa kanyang kompanya. Gusto ng Goldiloks magpatuloy ang kontraktwalisasyon, ang mababang sahod at benepisyo, ang tanggalan sa lahat ng regular na manggagawa. Kinasabwat niya ang NLRC upang pagmalupitan ang kanyang sariling manggagawa at pagdamutan ng pagkilala at benipisyong nauukol sa kanila.

Suportahan natin ang mga kapatid nating manggagawa sa Goldilocks, ipanawagan natin sa ating kasapian ang pansamantalang di pagtangkilik sa produkto ng Goldilocks. Sulatan at ipaalam sa Goldilocks management ang inyong desisyon at panawagan sa mga manggagawa nang di pagtangkilik hangga’t di naibabalik sa trabaho ang mga tinanggal. Ipadala sa address: Goldilocks, 498 Shaw Boulevard, Mandaluyong City. Magdikit ng minimum na 10 posters (kalakip nito) sa palibot ng pabrika. (Gawan ng paraang maidikit).

**2/17/2010**

Dismissal of 127 Goldilocks Workers Assailed

Dismissal of 127 Goldilocks Workers Assailed

“Goldilocks tumitiba, Manggagawa kinakawawa!”

Dear Friends,

Today February 9, 2010, 127 workers were refused entry by the Goldilocks management. The workers were informed yesterday regarding the latest decision of the NLRC (National Labor Relations Commission) affirming their dismissal.

In turn, the workers staged a picket outside the Goldilocks Plant in Mandaluyong to protest and condemn the unjust decision.

Four years ago, the workers participated in a PCE (Petition for Certification Elections) held in February 28, 2006 as a result of the sixty (60) days freedom period after the 5-year Collective Bargaining agreement covering March 1, 2001 to February 28, 2006 between Goldilocks Bakeshop Inc., and Buklod ng mga Manggagawa sa Goldilocks Bakeshop (BUKLOD) expired. Separate petitions were filed by three groups, namely; KMG-KMM-Katipunan (Kilusan ng mga Manggagawa sa Goldilocks-Kilusan ng mga Manggagawang Makabayan), Bukluran ng Independyenteng Samahan na Itinatag sa Goldilocks (BISIG) and Obrero Pilipino-Goldilocks Employees Association (Obrero-GOLDEA).Being the incumbent union, BUKLOD was considered as forced intervenor for being the incumbent union.

It was a rough sailing for the workers since the management in collusion with the incumbent union (BUKLOD) questioned the petition filed by Obrero-GOLDEA. On the other hand, BUKLOD, filed a petition to cancel BISIG’s certificate of registration.

On May 10, 2006, DOLE-NCR Med-Arbiter Catherine Z. Licaros issued an order directing the conduct of certification of election. In response to the decision, both BUKLOD and Obrero appealed the decision and argued that BISIG and KMG-KMM-Katipunan should be excluded as among the choices in the certification election.

But a resolution was released in September 11, 2006 issued by Undersecretary Luzviminda Padilla dismissing the appeal. Subsequently, an entry of judgment was issued on November 14, 2006 by the Bureau of Labor Relations (BLR) Director Rebecca Chato. The Certification election was finally conducted on March 19, 2007 with the following results;

KMG-KMM-Katipunan---------334
BISIG--------------------------517
OBRERO------------------------44
BUKLOD-----------------------581
NO UNION----------------------15
__________________________
TOTAL 1491

Because no union garnered the fifty percent plus one (50% plus 1) ruling in the certification election between BUKLOD and BISIG and after hearings on the manifestation, run-off election was scheduled on August 6, 2007 and the result was;

BISIG--------------------------------- 764
BUKLOD------------------------------653
Spoiled----------------------------------38
Segregated/Challenged Votes----------202
____________________________
Total Votes: 1,657

Buklod filed a protest in the run-off election and manifested that the segregated ballot must be counted.

On March 17, 2008, seven months later, BISIG was certified as the sole and exclusive bargaining representative of rank and file employees thru the decision issued by Med-Arbiter Atty. Alma Magdaraog-Alma. The decision was appealed by BUKLOD before the office of the Secretary;

Surprisingly on April 10, 2008, the Court of Appeal reinstated the August 11, 2006 Resolution of the then Bureau of Labor Relation OIC-Director Henry Parel delisting BISIG from the rooster of legitimate labor organizations. BISIG in turn, immediately filed a motion for reconsideration.

On April 16, 2008, BISIG sent a letter to the Goldilocks Management requesting the latter to commence the collective bargaining negotiation but the management ignored the said letter request. BISIG filed a (NOS) Notice of Strike on April 24, 2008 on the issue of discrimination, harassments and other related issues.

On May 20,2008, the Goldilocks company responded by filing a petition for assumption jurisdiction or Certification for Compulsory Arbitration for the (NOS) Notice of Strike of BISIG dated April 24, 2008. Undersecretary Lourdes Transmonte, then acting Secretary issued a Certificate Order dated May 26, 2008 certifying the labor dispute to the National Labor Relations Commission (NLRC) for compulsory arbitration. The said order was received by BISIG on May 29, 2008.

The conciliation before the NCMB (National Conciliation And Mediation Board, both the Goldilocks Bakeshop Inc representative and BISIG leaders entered into agreement dated June 11, 2008 and agreed to await the office of the (BLR)- Office of the Sec (Osec) will undertake in conjunction with the labor dispute at bench specifically, the issue on Certification election. Additionally, the Union hereby withdraws the instant labor dispute for the sake of industrial peace”.

Days earlier prior to conciliation, BISIG affiliated to AGLO (Association of Genuine Labor Organization) and on June 12, 2008, the Department of Labor and Employment-National Capital Region (DOLE-NCR) issued Certificate of Creation of Local Chapter with Certification No PFC-028-2008-CC.

On June 16, 2008, BISIG filed its manifestation with motion to dismiss before the NLRC, praying that the certified case be dismissed in view of BISIG’s withdrawal of its Notice of Strike dated April 24, 2008.

On July 1, 2008, BISIG filed another NOS (Notice of Strike) on the following grounds; 1.Unfair labor practice, 2. Union Busting and other related cases.

On July 8, 2008, Undersecretary Romeo Lagman, by authority of the Secretary, issued a Resolution affirming BISIG’s certification as an exclusive bargaining representative of Goldilocks Bakeshop Inc., rank and file workers and employees.

On July 11, 2008, the management filed its Manifestation with Motion to Subsume before the Office of DOLE Secretary.

On October 13, 2008, three months later, BISIG filed its third Notice of Strike, this time around the grounds were as follows; 1. Unfair labor practice (Refusal to Bargain Collectively) 2. Illegal Suspension, 3. Unjust transfer of Goldilocks SM Cubao Branch to Provinces, 4. Discrimination (selective P13.00 wage increase) and others.

On October 31, 2008, DOLE Secretary Mariano Roque certified the October 13, 2008 BISIG Notice of Strike to Compulsory Arbitration before the NLRC;

The certified Notice of Strike (NOS) was raffled to NLRC Sixth Division composed of Commissioner Nieves Vivar-de Castro (ponente), Commissioner Benedicto R. Palacol (Presiding Commissioner) and Commissioner Isabel G. Panganiban-Ortiguera.

On May 28, 2009, almost seven months later, the NLRC came up with the decision penned by Commissioner Nieves Vivar-de Castro on the issues contained in the Notice of Strike. The decision was promulgated as follows;

1. Ordering Goldilocks to commence collective bargaining negotiation with BUKLOD (the losing union in the certification election)- this is a blatant disregard of what is the rule of law negating the existence of a duly certified bargaining agent, the BISIG-AGLO.
2. Sustaining the legality of the penalty of suspension on Wilson Dy and six other officers, leaders and members of BISIG-AGLO.- this is an outright non recognition of the violations incurred by the Goldilocks Management.
3. Declaring Joel Lachica and four (4) others to have been validly dismissed from employment- affirming the Management not guilty of unfair labor practice.
4. Declaring the demonstration and picketing of more than 120 workers and employees after office hours and eight hours work conducted on May 20 and 27, 2008 to be illegal strike and imposing the following penalties;
a. For having participated in the illegal strikes, the 17 Union officers and Board members are deemed to have lost their employment.
b. For having committed illegal activities during illegal strikes, the one hundred four (104) Union members are deemed terminated from employment.
c. Ordering Goldilocks to grant financial assistance to the terminated Union members only in an amount equivalent to half month pay per year of service as a measure of social justice.

The decision that was promulgated was unusually hand carried by an NLRC employee a day after the promulgation effected last May 27, 2009 to the office of Miralles and Associates Law Office, a far cry from the NLRC tradition where decisions are being sent thru registered mail.

Another questionable decision made was on the case of illegal strike. To where did the NLRC apply an illegal strike when no strike ever took place. Indeed, there were 3 attempts on the Notices of Strike but all these were assumed jurisdiction by the office of the Secretary thereby averting the supposed strike to take place. Only in the Philippines where you exercise your freedom to picket during break time but now constitute as an illegal strike. A “brilliant” decision penned by an equally brilliant commissioner in the person of Commissioner Nieves De Castro.

Yesterday, February 8, 2010, for over eight months now, the NLRC gave its final blow and reaffirmed the dismissal of the 127 union members of the BISIG Labor Union. This time, the decision focused on the illegality of the strike that became the basis of the dismissal. A strike that never took place.

2010 would be a bleak picture for the 127 families of Goldilocks workers and employees. This is the grim reality of our previous slogan, “Goldilocks tumitiba, Manggagawa kinakawawa”. We want to let the whole world know that the Goldilocks Company continues to grow but not their workers.

Our plight is totally unthinkable, the rule of law applies only to those who have power and money and not to people like ours. In our case, there’s no truth on the saying that for those who have less in life should enjoy more in law.

We are deeply saddened of our situation and to our family, our children and our future. There are companies in the Philippines like Goldilocks. We don’t want our case to become a precedent that would be detrimental to other workers and their families.

Please join us in our crusade to fight not only to ourselves but to the Filipino workers. We welcome your support in our struggle. We still do not lose hope. We will continue our fight in all fronts. In turn, we are seeking your support in whatever way you can. These are the ways where you can be of help;

1. Giving material and financial support to our campaign. (We will later provide details of our bank account)
2. You should think twice eating in Goldilocks branches/outlets. The more you patronize the more you support greedy capitalists.
3. Inform all your relatives, friends here in the Philippines and abroad not to patronize anymore Goldilocks. Always remember our slogan, “Goldilocks tumitiba, Manggagawa kinakawawa”.
4. If you cannot avoid eating in their outlets, at least minimize your patronage.
5. Petition all scrupulous and corrupt government officials in the mold of Commissioners De Castro, Ortiguera and Palacol.
6. Support and join our protest activities.
7. Write protest letters to DOLE, NLRC and related government offices and institution and to the Goldilocks management through their branches and offices. You can directly mail your letter or personally deliver your letter to Goldilocks outlets/branches.
8. Propagate our issue and enjoin everyone to become supporters of Goldilocks workers.


In the pursuit of justice for the Filipino workers,

127 dismissed Goldilocks workers and employees

BMP memo sa eleksyon

Para sa: Lahat ng Unyon, Asosasyon at Buklod
Hinggil sa: Magaganap na Eleksyon at ang Ating Plano sa Paglahok
Mula sa: Komiteng Tagapagpaganap
Petsa: Enero 18, 2010


Ang magaganap na eleksyon sa Mayo 10 ng taong kasalukuyan ay eleksyon pa rin ng mga trapo. Layon lang nito na muling pakintabin ang kalawanging demokrasya ng mga elitista, demokrasya na walang ibang kahulugan kundi ang bigyan ng pagkakataon ang masa ng sambayanan na pumili ng panibagong pangulo at opisyal ng bayan na magsasamantala sa kanila. Walang magaganap na pagbabago liban sa pagpapalit ng mukha ng mga taong manloloko at magpapayaman sa loob ng gobyerno.

Ganito sa kabuuan ang kahulugan ng magaganap na eleksyon ngayong taon. Ito’y sapagkat ang eleksyon ay labanang halos eksklusibo lamang sa mga taong may 3Gs (Gold, Guns and Goons) na ang pinakamasahol na halimbawa ngayon ay ang naganap na Maguindanao Massacre ng mga Ampatuan. Ito ang dahilan kaya’t sa mahabang panahon, hindi itinuring ng mga progresibo na isa ring porma ng labanan ang eleksyon para sa pagbabago, kung kaya naman kinopo ng mga trapo at elitistang partido ang eleksyon at paggugobyerno.

Subalit, nitong mga huling panahon at dekada, may ipinasisilip na oportunidad ang labanang eleksyon para sa mga progresibong kandidato at makamasang partido. Di na iilang makamasang kandidato at partido sa maraming bansa ang nagawang manalo laban sa mga partido ng mga trapo at elitista. (Venezuela, Bolivia, Paraguay, Nicaragua, Ecuador, El Salvador, Nepal, Uruguay at Iceland). Maging ang mga kandidatong walang 3Gs ay nananalo at naitutumba ang mga pulitikong deka-dekada nang naghari sa isang lugar. Pinakakilalang halimbawa nito sa bansa ay sina Gob. Ed Panlilio ng Pampanga at Grace Padaca ng Isabela.

May nalilikhang kapasyahan ang masa nang pagtatakwil sa mga trapo at elitista, ito ay kailangang paypayan, pag-alabin at organisahin para sa makauring layunin ng paglahok sa eleksyon. Kaya’t bagamat ganito na naman ang magiging katangian ng magaganap na halalan, lalahok tayo, isasabak natin ang ating bagong tayong partido, ang PLM, upang simulan ang seryosong at makamasang layunin ng paglahok sa eleksyon. Gamitin ang paborableng klima ng eleksyon para sa ating pampulitikang pagpopropaganda sa masa, sapagkat sa panahon ng halalan, nagaganap ang pambansang debate hinggil sa kung sino at kung anong sistema ng paggugobyerno ang kailangan. Nakikisangkot ang malawak na bilang ng masa sa pambansang talakayan kaya't mainam na sa panahon ng halalan ay pumagitna rin tayo at iabante ang ating pampulitikang agenda at plataporma ng masa.

Pagpaparami ng bilang ng ating kapanalig at pagpapalawak ng saklaw ng ating taga-suporta kasabay ng ating pagsisikap na maipanalo ang ating mga kandidato. Ito ang ating sentral na layunin sa paglahok sa halalan ngayong taon. Ikampanya ang ating plataporma at ipanalo ang ating kandidato.

Subalit, mainam na gamitin na rin natin ang okasyong ito para sa ating bagong tayong partido (PLM) na lumahok at humalaw ng karanasan sa pagpapatakbo ng kandidato sa nasyunal at lokal upang sanayin ang ating mga lider masa para sa maramihang pagpapatakbo sa susunod na barangay election na magaganap sa Oktubre ngayon ding taon.

Sa ganitong hangarin nating harapin ang magaganap na pambansang halalan sa Mayo 10. Pagpupundar at paghalaw ng karanasan para sa mas maunlad na paglahok sa mga susunod na halalan. Malaking tulong sa atin ang pagkandidato ni JV Bautista bilang senador. Nagkaroon tayo ng dahilan para sa paglulunsad ng pambansang kampanya at dahil dito’y mapapagaan pa ang talakayan sapagkat ang bitbit nating kandidato ay tumatakbo sa posisyong kahit ang kakausapin ay may napili na, maari pa ring makinig, makipagtalakayan at tumanggap ng panibago dahil 12 ang pwedeng iboto.

Bukod kay JV, may susuportahan din tayong kandidato na tatakbo sa lokal. Ito ay ang mga sumusunod;
1. Larry Punzalan, President ng Unyon ng Fortune Tobacco at kasapi ng Komite Sentral ng BMP ay tatakbong Congressman sa 2nd District ng Marikina.
2. Ronald Garcia ng PLM, tatakbong Bokal ng Bulacan
3. Tita Flor Santos ng Sanlakas, tatakbong konsehal ng 1st District ng Quezon City.
4. Tado Jimenez ng PLM ay tatakbong Konsehal ng 1st District ng Marikina.
5. Anthony Garcia ng PLM, tatakbong konsehal ng Bacolod City
6. Greg Gimena ng PLM, tatakbo ring konsehal ng Bacolod City
7. Renato de La Cruz ng PLM, tatakbong konsehal ng Bulacan, Bulacan.
8. Ruwena Lusung ng PLM, kandidato sa pagkakonsehal ng San Jose Del Monte, Bulacan
9. Danilo Rogelio Sr. ng PLM, tatakbo ring konsehal ng San Jose Del Monte, Bulacan

Sa inisyal, sampung kandidato ang ating susuportahan. Pwede pa itong madagdagan depende sa magiging resulta ng mga negosasyong nagaganap. Subalit anu’t ano man ang abutin, sapat na na mayroon tayong kandidato sa national at lokal para sa malawak at masiglang kampanya.

Sa paglarga ng kampanya ng ating mga kandidato, kakatuwangin natin sila para patampukin ang ating tindig nang paglaban sa kontratwalisasyon, sa oil deregulation, sa walang patumangang demolisyon at sa automatic appropriation sa pagbabayad ng dayuhang utang bilang isyu ng masang manggagawa at sambayanan. Dapat dumulo at sumahin ang ating propaganda’t talakayan sa pagbubulgar sa kabulukan ng elitista at trapong gobyerno at ang pangangailangan na palitan ito ng gobyerno ng masa.

Ang ating paraan upang makatulong tayo sa pagpapanalo kay JV, at mga lokal nating kandidato;

1. kumbinsihin ang ating buong kasapian at maging ang masang manggagawang saklaw ng ating unyon/asosasyon na magtala ng 50 kataong pabotohin kay JV. Ito’y maaring mula sa kamag-anak, kaibigan at kakilala sa lugar na tinitirahan o sa probinsyang pinanggalingan. (3K formula) Kung ito ay ating magagawa, mangangahulugan ito ng 7M boto para kay JV mula sa 150T na indibidwal na saklaw ng ating organisasyon.

Ang labanan sa senador ay di katulad ng sa party-list, mas madaling hingin ang boto para sa senador dahil 12 ang ihahalal. Ibig sabihin, kahit mayroon nang napipisil na ibotong senador ang kakausapin, hindi mahirap na ipadagdag si JV. Di katulad ng sa party-list, na kapag mayroon nang napiling iboboto ang kakausapin, magkakahirapan nang igiit ang sa atin dahil isa lang ang iboboto sa party-list.

2. Lahat ng unyon/asosasyon ay magkaroon ng depinidong erya o sektor na kakampanyahin. Hal. (1) Unyon, akuin ang komunidad na kinalulugaran ng pabrika o kompaya, (2) TODA/JODA, akuin ang barangay na ruta ng kanilang pamamasada, (3) Community Association. Akuin ang barangay o bayan na kinalulugaran ng asso. Dito ikarga ang ating lokal na kandidato.

3. Maglunsad kaagad ng pagpupulong ang pamunuan ng unyon at asosasyon. Pag-usapan ang pagpapatupad ng mga nakalista sa ibaba. Ito na rin ang maging tungkulin sa buong panahon ng kampanyang eleksyon. (January - May 2010)

 Pagtitiyak na mapagkakaisa ang buong kasapi at maging ang di kasapi sa pangangampanya sa ating kandidato, sa party-list at paglahok sa ilulunsad na aktibidad kaugnay ng mga isyung ilalaban sa panahon ng kampanya.

 Pagpapalista ng tiglilimampung (50) pangalan at address ng kakampanyahin (3Ks) at kukumbinsihing pabotohin kay JV bilang senador. Ipapasumite ang nagawang listahan ng bawat isa sa opisina ng unyon o assosasyon.

 Pamamahagi ng polyeto, pagdidikit ng poster sa komunidad na kinalulugaran ng pabrika at samahan o barangay na ruta ng pamamasada.

 Pagpapadala ng electoral materials sa mga kasaping uuwi ng kanilang probinsya sa mahal na araw para makapangampanya sa mga kamag-anak at kababayan.

 Pagpapalahok sa mga pagkilos/pagtitipon kaugnay ng lokal o sektoral na laban. (Full Mob ulit tayo sa Mayo Uno bilang miting de avanse ng ating mga kandidato).

 Pag-ugnay at tuloy-tuloy na pangangampanya sa karatig na pabrika at asosasyon

4. Tungkulin ng presidente at vice president ng unyon at asosayon.

 President ng unyon/asosasyon ang magtitiyak ng unification at listahan ng 50 kakampanyahin ng mga kasapi at masang di kasapi.

 Vice president at Campaign Committee. Kakatok at mangangampanya sa mga kalapit na organisasyon at karatig na pabrika.

Magpapatawag tayo ng Leaders assembly sa Feb. 6, (Popoy’s Death Anniversary), 2:00 ng hapon with JV at iba pa nating kandidato. Lima (5) kada lokal na unyon at samahan ang padadaluhin. Ito ay para bigyan ng pagkakataon ang pagtatalakayan sa ating plano at ihudyat ang simula ng ating pangangampanya.

pr - 1st month of Maguindanao Massacre

PRESS RELEASE
Bukluran ng Manggagawang Pilipino (BMP)
Partido Lakas ng Masa (PLM)

Militants Commemorate the anniversary month
of the Celebrated Maguindanao in front of the NBI.

In a unique way of remembering the Maguindanao massacre, members of the Bukluran ng Manggagawang Pilipino and the Partido Lakas ng Masa (PLM) paraded 57 skulls in the form of face masks starting from the corner of Kalaw and Taft Avenue down to the NBI, the agency where Ampatuan Jr, the alleged mastermind of the most heinous crime was being holed up.

November 23, 2009 was a tragic day for the country where the massacre happened marking the most cruel, brutal and barbaric crime committed by a warlord in Maguindanao. The victims in a matter of hours were simultaneously beaten, raped and summarily killed and buried in a mass grave together with their cars to conceal all the possible evidences. Now it is already a month and the wheels of justice is slowly grinding for them. The government must be held responsible for this “go slow” policy to ensure cover-up for Gloria and ultimately protect the Ampatuans. Ampatuan Jr. is being taken cared of at the NBI, a far cry from other crimes where suspects are supposed to be in jail while awaiting trial.

It was pointed out last week by the justice department that it will take another 60 days just to consolidate the case against the Ampatuans. Only in the Philippines where you can deliberately calculate the grinding of justice and not following the natural prosper of the case. This is a clear manifestation of trying to impose a cautious policy meant to protect both the suspects and that of Gloria.

“Gloria benefitted from the warlords and the Amptuans provided what they badly needed during elections, a haven of electoral fraud and deceit where the opposition got nothing but virtually perfect zeroes of voters turn-out in Maguindanao. The Ampatuans meant business as a warlord and is now at the heels of mercy to the government. They hold the key to the illegitimacy of the GMA administration and precisely Gloria herself is beholden to this kind of political partnership”, Leody De Guzman, BMP President asserted in an interview.

During the program held in front of the NBI, the group executed a die-in protest for a few minutes calling for a swift justice for all Ampatuan victims and no cover-up that will absolve Gloria and his cohorts.

The group vowed to sustain its crusade against the perpetrators of the massacre and will resolutely follow the case through its series of actions and protests. They will not stop unless the victims ultimately got their ultimate and genuine justice. ###

BMP-ST - Ang taong 2009 at parating na 2010

Ang taong 2009 at parating na 2010

(Nagbabadya ang masamang pangitain)

Taon ng matitinding krisis at dilubyo ng bansa:

Ang taong 2009 ang nagpatingkad sa tunay na katangian ng rehimen ni Gloria Macapagal Arroyo. Nagpakita ng tunay na kalagayan ng ating bansa, sa larangan ng ekonomiya, pulitika, kultura at relasyong panlabas. Tumama ang Global Financial Crisis, binayo ng magkasunod na bagyong Ondoy at Pepeng, pagkalantad sa laganap na katiwalian sa pamahalaan, walang habas na pagtaas sa persyo ng langis at mga bilihin, laganap na paglabag sa karapatang pantao at kagutuman, pinakahuli ang karumaldumal na Masaker sa Maguindanao at Self Serving Martial Law Declaration. Para pagtakpan ang mga Ampatuan Clan at pagkabunyag ng laganap na dayaan sa mga nakalipas na halalan noong 2004 at 2007.

Unang kwarto ng 2009, naganap ang malawakang tanggalan sa trabaho at sarahan ng mga pabrika. Nagresulta ng 1. 2 milyong manggagawang nawalan ng trabaho at kabuhayan. Hindi pa kabilang ang domino “effect” nito sa hanay ng mga manggagawa sa transportasyon, vendors at mga bahay-kainan at pasyalan.

Ikalawang kwarto ng 2009, naganap ang walang habas na pagtaas ng presyo ng langis at mga pangunahing bilihin sa pang-araw-araw na pangangailangan ng bawat pamilya. Na hanggang sa kasalukuyan ay hindi maampat ang patuloy na pagtaas ng presyo ng mga bilihin. Nagaganap at patuloy na magaganap ito, dahil sa istelong sindikatong (MAFIA) pamumuno ng Malakanyang.

Ikatlong kwarto ng 2009, tumama sa ating bansa ang bagyong Ondoy at Pepeng, na puminsala sa buhay at ari-arian, dislokasyon sa paninirahan ng milyon-milyon nating mga kababayan. Pinsala na halos kapantay ng pinsalang dulot ng WW II. Ang tanong: Sino ang may sala at salarin? Sa gera (WW II) tukoy kung sino ang may sala at salarin, tukoy kung sino ang nanakop sa ating bansa.

Pero sa nagdaang bagyong Ondoy at Pepeng, nakakubli/nakatago ang mga tunay na may sala at salarin. Nagkukubli sa salitang parusa ng “Tadhana”, pero ang mga gahaman sa TUBO na mga kapitalista at mga tiwaling Politiko (TRAPO) ay hindi nakakapagtago kay Urban planner and architect Felino Palafox Jr. Aniya: “Government agencies and private developers are jointly liable for the massive loss of life and property in several Metro Manila cities for practicing poor urban planning and allowing commercial and residential structures to be built in flood-prone areas”.

Huling kwarto ng 2009, naganap ang karumaldumal na MASAKER at MARTIAL LAW sa Maguindanao na kumitil sa 57 sibilyan na karamihan ay mga kapatid natin sa Mass Midya. Matapos mag-alaga ng mga War Lords, mga Mandaraya sa Election, mga Magnanakaw sa kaban ng Bayan, mga Mamamatay-tao at maganap ang karumaldumal na masaker sa 57 sibilyan at mamahayag. Heto! Martial Law daw ang solusyon. Kailangan daw ang Martial Law para sawatain ang War Lords. Sawatain? o pagtakpan ang kanyang mga alyado?

Malalim ang pinag-uugatan ng naganap na Masaker at Deklarasyong Martial Law ni GMA. Hindi lamang Unconstitutional at Illegal, kundi behikulo ito ni GMA para sa habang panahon niyang panunungkulan sa mataas na pwesto sa gobyerno. From President into Congresswoman. Congresswoman to Speaker of the House into Prime Minister.(Big Boss muli ng bansa).

1. Palubog na ang barko (Administrasyon) ni GMA. Dahil sa sunod-sunod na mga korapsyon, paglabag sa karapatang pantao ng pamahalaan, laganap na kagutuman, dislokasyon sa paninirahan, malawakang tanggalan sa trabaho, epekto ng pandaigdigang crisis at Bagyong Ondoy.
2. Bangkarote ang administrasyon ni GMA, na maaaring ikatalo ng kanyang mga ”manok” sa nalalapit na halalan ngayon May 10, 2010.
3. Nanganganib na siya’y makulong ng walang pyansa. Kahit pa manalo siyang Congresswoman sa Pampanga dahil sa 31 niyang kasong Pandarambong, Kapabayaan at pagtataksil sa Bayan (treason).
4. May bali-balitang may minahang bubuksan sa Maguindanao, hindi ito masimulan dahil sa dami ng taong naninirahan.
5. Testing the Water ito, para sa posibleng Failure of Election o deklarasyon muli ng Martial Law hind lamang sa Maguindanao, kundi sa buong kapuluan.

Nakakabahala ang naganap na Masaker at Deklarasyon ng Martial Law sa Maguindanao. Dahil ang Commander-in- Chief ng AFP/PNP at mga War Lords, gaya ng mga Ampatuan ay si GMA mismo. Kung kaya hindi imposible na mapagtakpan ang mga Ampatuan sa nilikha nilang krimen, Gayundin ang pag-abuso ng mga Militar sa Otoridad na ipinagkaloob sa kanila ni GMA. Sa dulo, mamamayang-Moro at Sambayanang Pilipino (mga sibilyan, manggagawa’t maralita) ang naging biktima at napinsala sa Martial Law ni Arroyo.

Mga kasama at mga kababayan, maging mapagbantay tayo sa bawat oras at panahon. Hindi magandang pangitain ang ipinamalas ng taong 2009. Hanggang sa ngayon wala pang nakikitang solusyon ang mga kapitalista sa pandaigdigang krisis na sila mismo ang may gawa. Sinisisi ang kalikasan at pabago bago ng klima (climate change), samantala sila ang sumira sa Inang-Kalikasan. Nakakabahala ang nalalapit na 2010 election, halihaw ang mga politiko sa iba’t-ibang partido ng mga kapitalista, kung saan may pera at may tantyang panalo doon sila. Kahit isinuka na nila sa nakalipas na eleksyon, muli nilang hihimurin para sa ambisyong manalo at patuloy na makapag-nakaw sa pondo ng bayan at likas yaman ng ating lipunan. Kaya hindi malayo na maging marahas ang nalalapit na halalan.

Bago magtapos ang taong 2009, nagbabadya ang pagsabog ng bulkang Mayon sa Bicol, kung ngayong Kapaskuhan ay hindi natin ramdam ang kagutuman at kahirapan hanggang sa nalalapit na halalan sa Mayo 2010, dahil sa binubusog tayo ng mga pulitiko, pero isa lang ang tiyak, sa una at ikalawang kwarto ng 2010, maaaring mag-alburoto ang Social Volcano, ang pag-aalsa ng masang Pilipino. Na maaaring salubungin ito ng mga politikong talunan, dahil sa laganap na naman ng dayaan sa halalan o kundi man ay ang ”Failure of Election” sa May 2010.

ISABUHAY ANG TUNAY NA DIWA NG PASKO! PAGMAMAHAL HINDI LAMANG SA SARILI AT KAPWA!

MAHALIN, BANTAYAN ANG KALIKASAN AT LIPUNAN! DON’T CHANGE THE CLIMATE! CHANGE THE SYSTEM!

MAGHANDA! MAGHANDA! MANGHANDA! MAG-ORGANISA! MAG-ORGANISA! MAG-ORGANISA!MAG-ORGANISA NG MGA PAKIKIBAKA!

Bukluran ng Manggagawang Pilipino
Southern Tagalog (BMP-ST)
Ika-23 ng Disyembre, 2009

Polyeto - Nobyembre 30

Nobyembre 30
Martsa Laban sa Krisis at Kahirapan!
Martsa para sa Gobyerno ng Masa!

Bagamat mahigit isang buwan na ang lumipas mula ng manalasa sa bansa ang tatlong sunod sunod na bagyo (Ondoy, Pepeng at Santi) di pa rin mabura sa isipan ng mga naging biktima ang delubyong inihatid ng tatlong bagyo. Laman pa rin ng mga pag-uusap ang kani-kanilang masamang karanasang naglublob at nagwasak ng kanilang naipundar na kabuhayan.

Wala halos nailigtas ang marami sa mga naging biktima dahil walang ginawang pag-abiso ang gobyerno na magpapakawala ng malaking bolyom ng tubig mula sa dalawang dam sa kasagsagan ng malakas na ulan. Wala ring paghahandang ginawa ang gobyerno sa pagharap sa ganoong klase ng kalamidad kayat daan daang bilang ng tao ang nangamatay.

Nalantad ang pagkabangkarote ng gobyerno sa pag-agapay sa mamamayang nangangailangan ng kalinga nang mapag-iwanan ito ng pribadong sektor sa pagbibigay ng tulong sa mga biktima ng grabeng pagbaha.

Subalit ang higit na masakit, matapos ilubog sa kahirapan ng tatlong bagyong nagdaan, nakaamba naman ngayon ang demolisyon sa tahanan ng mga kapatid nating maralita na nakatira sa baybay ilog, lawa at creek na idineklara ng pamahalaan na danger zone. Masakit ito dahil walang tiyak at matinong lugar na paglilipatan. Kung mayron man ito ay napakalayo, walang tubig, kuryente, eskwelahan, ospital at higit sa lahat walang ikabubuhay.

Hindi malayo ang kalagayang ito sa katayuan ng mga manggagawa sa pabrika na bago pa man ang bagyo ay tinatanggal na sa trabaho dulot ng kapitalistang krisis ng sobrang produksyon. Tambak ang produkto sa mga warehouse at merkado resulta ng matinding kompetisyon na naglatag ng kondisyon sa di planadong paglikha. Sobra ang produkto sa mga taong may pera upang ikunsumo ito. Mas maliit ang bilang ng may kapasidad bumili sapagkat marami nang walang trabaho o kung mayroon man, karamihan sa mga manggagawa ay kontraktwal na napakababa ang suweldo.

Maging ang lumalaking bilang ng sektor ng transportasyon ay umaangal sa walang patid na pagtaas ng presyo ng langis at gasoline. Di na makahabol ang halaga ng kanilang kinikita sa presyo ng kanilang arawang pangangailangan. Problema ng sektor ang patakarang deregulasyon ng pamahalaan sa industriya ng petrolyo na nagbibigay ng buong laya at kapangyarihan sa mga dambuhalang kompanya ng langis na magtaas ng magtaas ng presyo sa halagang gusto nila.

Sa lahat ng problema at pasakit na dinaranas na ito ng masa ng sambayanan, wala tayong masilip na pagmamalasakit mula sa Gobyerno ni Gloria Arroyo at maging sa mga pumapagitnang kandidato na nagpepresenta ng sarili bilang kapalit ng kasalukuyang administrasyon. Walang makabuluhang programa at tindig para sa pagbabago matapos ang eleksyon sa susunod na taon.

Lahat ay umaangkas lang sa mga popular na isyu tulad ng OFW, Kalikasan, Kurapsyon, paggogobyerno, subalit walang umuupak sa salot ng kapitalismo o kahit sa neo- liberal na patakarang pang-ekonomiya na siya naman talagang puno’t dulo ng krisis at kahirapan ng masa ng sambayanan. Tulad din ni Gloria at ng lahat ng naging presidente ng ating bansa sa nakaraan, lahat sila ay taga pagtanggol ng interes ng kapitalista, naghahangad lang na pumuwesto sa Malacanang kapalit ni Gloria; makapaghari, protektahan at higit na palaguin ang kanilang kayamanan.

Ang ating Paninindigan

Sa ganitong sitwasyon natin gugunitain ang paparating na araw ng dakilang bayaning si Gat Andres Bonifacio. Nakalubog pa rin sa kahirapan at kaapihan ang masa ng sambayanan sa kabila nang inabot na pag-unlad at produktibidad ng lipunan sa nakalipas na 146 na taon.

Walang ipinagbago, mas lumala pa nga. Umabot na sa 15.7 % ng mamamayang Pilipino ang nakakaranas ng di pagkain sa nakalipas na tatlong buwan bago ang bagyo. Labinlimang milyong kabataang ang di nakakapag-aral. Mahigit 4 na milyong pamilya ang walang matinong tahanan. 15 milyon ang mga manggagawang wala at kulang sa trabaho, mababa ang sahod at ang buong mamamayan ay nahihirapang abutin ang napakataas na presyo ng bilihin at serbisyo.

Nagaganap ito dahil una, kurap ang gobyerno. Halos P400 bilyon ng taunang budget ay ninanakaw. Ikalawa, may gobyerno nga tayo pero walang malasakit sa mamamayan dahil sa bukod sa magnanakaw ay elitista at tuta ng mga kapitalista’t asendero. Ikatlo, ang mga batas at patakaran ay pabor sa mga kapitalista’t asendero kaya’t 90% ng likhang yaman ng bansa ay napupunta sa kamay ng 5% ng populasyon at ang natitirang 10% ay pinag-aagawan ng 95% ng mamamayan!

Ang naganap na bagyo ay nagpalala lamang sa dati nang hirap at aping kalagayan ng masa ng sambayanan. Wala pa man si Ondoy, Pepeng at Santi ay gumagapang na sa hirap ang masang manggagawa, sistematikong pinagsasamantalahan ng mga trapo, kapitalista at asendero ang sambayanan. Sistema ang problema. Kapitalistang sistema. Ito ang salot na nagbuhos ng sobra sobrang kayamanan sa iilan at nagsadlak sa kahirapan at kaapihan sa milyong bilang ng mamamayan.

Mga kasama, lalo pang tumitibay ang batayan upang ipagpatuloy ang sinimulang rebolusyon ng mga katipunero at ni Gat Andres Bonifacio. Sapat na ang daang taong nagdaan upang patunayan na walang intensyon ang mga kapitalista at trapong pulitiko na resolbahin ang kahirapan at kaapihan ng masa. Ang hangad nila ay manatili ang kasalukuyang kaayusan para sa kanilang tuloy tuloy na paghahari at kasaganaan.

Sistema ang problema, kapitalistang sisitema! Walang ibang solusyon kundi ang ipagpatuloy ang rebolusyon hanggang sa tagumpay para sa makabuluhang pagbabago! Wakasan ang elitistang paghahari at itayo bilang kapalit ang Gobyerno ng Masa!

Kasabay nito’y ilaban natin ang mga kagyat at ispesipikong kahilingan:

1. Ipagtanggol ang paninirahan! Walang demolisyon kung walang matinong relokasyon!
2. Labanan ang walang tigil na pagtaas ng presyo ng langis at gasolina!
3. Ibasura ang Oil Deregulation Law!
4. Itigil ang kontraktwalisasyon! Regular na trabaho para sa lahat!

Dumalo sa pagkilos sa Nobyembre 30, 9am sa harap ng DOLE Intramuros, Manila.

Sumama sa Martsa laban sa krisis at kahirapan, martsa para sa Gobyerno ng Masa!