(ito'y ginanap sa isang rali sa Plaza Miranda, Hunyo 10, 2009, 10:30 ng umaga, at lumabas sa Channel 2 at Ch. 7 ng 12:00 ng tanghali, ang komedyanteng si Tado ang pumapel na tagapagsalita, habang ang mga maralitang kababaihan naman ng KPML ang sa Tugon, ang may-akda ng Salmo ay si Greg Bituin Jr.)
TUGON:
CON ASS NG MGA HUDAS
AY DAPAT NANG MAGWAKAS
TAGAPAGSALITA:
Pagtataksil sa ating bukas
Itong Con Ass ng mga Hudas
Sambayana’y ginawang ungas
Ng Kongresong nagtalipandas.
TUGON:
TAGAPAGSALITA:
Dinulot sa masa’y hilahil
Ng mga kongresistang taksil
Dapat natin silang mapigil
Bago bukas nati’y masiil.
TUGON:
TAGAPAGSALITA:
Hubaran natin ng maskara
Mga taksil na kongresista
Na kinabukasan ng masa
Ang pinaglalaruan nila
TUGON:
TAGAPAGSALITA:
Huwag po nating iboboto
Iyang mga ganid na trapo
Lalo na si Gloria Arroyo
Na nais magtagal sa pwesto
TUGON:
TAGAPAGSALITA:
Si Reyna Gloria’y hindi dapat
Sa pwesto niya ay magluwat
Lalo lang magpapakabundat
Sa yaman ng bayang sinilat.
TUGON:
TAGAPAGSALITA:
Sa tatlumpung pirasong pilak
Sambayanan ang pinahamak
Tayo’y dinadala sa lusak
Ng mga kongresistang tunggak.
TUGON:
Walang komento:
Mag-post ng isang Komento