Ang naganap na panggugulo sa piketlayn ng Goldilocks

Ang naganap na panggugulo
sa picket line ng GOLDILOCKS

Noong Marso 19, ganap na ika 10:30 ng umaga, nilusob ng mga gwadya, lider ng talunang unyon at drivers ang mapayapang piket ng mga manggagawang kaanib ng unyon ng BISIG. Lumusob sila na may mga tali sa kanilang ulo at braso, nasa unahan nila ang dalawang closed van na puno ng iskerol at sa likuran ng unang van ay mga panatiko ni Junny Gachitorena (presidente ng natalong unyon) na may hawak na mga bato.

Nang harangin ng mga nagpipiket na manggagawa ang van sa harapan ng gate ng kompanya, isa sa panatikong lider ng Buklod ang kaagad dumukot ng buhangin sa kanyang bulsa at buong lakas na isinaboy sa mukha ng mga humarang na manggagawa. Ito ang naging hudyat ng sunod sunod na pambabato ng mga panatikong nakatago sa likuran ng van.

Walong manggagawa mula sa hanay ng nagpipiket ang kaagad tinamaan at nasugatan. Naobligang gumanti ang mga nagpipiket upang hadlangan ang tuloy tuloy na paglusob ng mga bulag na taga sunod ng management at ni Junny Gachetorena.

Kinukundina namin ang ginawang paglusob dahil;

Una, ligal ang nagaganap na welga! Tumalima ang unyong BISIG sa mga prosesong kinakailangan batay sa kahingian ng isinampang kaso. Patunay rito ang di paglalabas ng DOLE ng kautusang buwagin ang piketline.

Ikalawa, may nagaganap na conciliation sa DOLE sa pagitan ng unyon ng BISIG at mga abogado ng Management. Isang mapayapang solusyong pinagsisikapang panaigin ng mga nag-uusap kasama ang DOLE.

Ikatlo, kinukundina namin ang isang bungkos na mga panatikong nagsabog ng buhangin at nagpaulan ng bato sa piketline. Gayong alam na alam nila na maraming bata at asawa ng mga manggagawa ang nasa piketline.

Asawa at anak na dun na natutulog, kumakain dahil mahigit isang buwan na silang inalisan ng kabuhayan mula nang sila ay iligal na tinanggal sa trabaho noong Pebrero 8.

Ikaapat, kinukundina rin namin ang kapulisan ng Mandaluyong na hinayaang lumusob ang mga panatiko at makapanakit, gayong nakapwesto naman sila sa iisang lugar kasama ng mga panatiko bago lumusob. Salitang “hinayaan” na lang ang aming ginamit at hindi ang nabalitaan naming sila mismo ang nag-utos sa mga panatiko.

Ikalima, kinukundina rin namin si Junny Gachitorena na matapos isubo ang isang bungkos niyang mga panatiko ay kumaripas ng takbo, uminom ng shake at nagpalamig sa loob ng Pure Gold habang nakikipagbuno ang kanyang mga tauhan.

Itigil ang kultura ng pananakit at pagpatay sa mga manggagawa ng Goldilocks!

Ibalik sa trabaho ang mga manggagawang iligal na tinanggal!

Ihinto ang planong pagtatangal sa iba pang mga regular na manggagawa!

Wakasan na ang pag-eempleyo ng kontraktwal na manggagawa!

BISIG-AGLO-BMP

Apela sa Media mula sa Manggagawa ng Goldilocks

PAHAYAG
Marso 17, 2010

APELA sa MEDIA
mula sa Manggagawa ng Goldilocks

Kami po ay nakikusap sa mga myembro ng mass media na bigyan ng ispasyo ang posisyon ng unyon (BISIG-AGLO-BMP) sa nagaganap na labor dispute sa Goldilocks. Wala po kaming kapasidad na magpalathala sa mga pahayagan gaya ng paid-ad na inilabas ng Management sa Inquirer (PDI, March 16, A17).

Subalit - sa diwa ng kalayaan sa pamamahayag at balansyadong pag-uulat - umaasa kaming mapapagbigyan ang aming kahilingang marinig ng taumbayan ang aming panig, laluna ng mga tagatangkilik ng Goldilocks.

Humihingi kami ng pag-unawa sa mga regular na tagatangkilik ng Goldilocks. Kung walang suplay ng inyong mga paboritong produkto sa aming mga outlet, ito ay ibinunsod ng welga sa dalawang planta ng Goldilocks sa Mandaluyong simula noong Marso 11, 2010.

Hindi kami nagwelga para lamang guluhin ang operasyon ng Goldilocks tulad ng nais palabasin ng Management. Welga ang aming “huling opsyon” para matigil ang tanggalan sa pabrika na may layong (1) durugin ang unyong BISIG, at (2) palitan ang mga regular ng mas mura at mas maamong kontraktwal na empleyado.

Nagpasya kaming tumigil sa pagtatrabaho na isinasakripisyo ang sweldo na pambili ng arawang pagkain ng aming mga anak - sa layong ibalik sa trabaho ang 127 manggagawa na tinanggal ng kompanya noong Pebrero 8, 2010.

Ang mga tinanggal ay mga lider at aktibong kasapi ng aming unyon. Dahil dito, maliwanag para sa amin na ang tanggalang naganap ay iligal. Ito ay union busting. Isang unfair labor practice, na pinarurusahan ng batas at isa sa mga ligal na dahilan ng isang strike, ayon mismo sa ating Labor Code.

Ayon sa management, tinanggal daw ang mga manggagawa dahil sa patuloy na paglulunsad ng mga protesta sa harap ng mga planta ng Goldilocks na diumano'y “may pwersahang pagpigil sa mga delivery at pagharang sa mga empleyado na pumasok sa trabaho” (PDI, A17, 3/16/2010). Ito ay pawang kasinungalingan!

Bagamat hindi kami abogado. Alam namin ang aming karapatan. Nag-aral din kami ng Labor Code. Naglunsad kami ng “moving pickets” sa pagsapraktika ng Konstitusyunal na karapatan sa peaceful assembly upang ipahayag ang aming grievances sa kumpanya. Hindi namin hinarang ang malayang pagpasok at paglabas ng produkto dahil ito ay pagsagka sa “free ingress and egress”, na iligal sa timbangan ng batas.

Hindi biro ang magdesisyong magwelga. Pero nilubos na ng "lantay" na prosesong ligal o simpleng "labanang papel sa korte" ang aming pasensya kundi pati ang kumakalam na mga sikmura ng 127 manggagawang tinanggal sa trabaho. Humarap pa kami sa dalawang hearing ng NCMB (National Conciliation and Mediation Board) noong Pebrero 23 at 24. Subalit nagtetengang-kawali pa din ang Management.

Sabi ng Management, ang mga manggagawa raw ay tinanggal sa bisa ng naunang desisyon ng National Labor Relations Commission (NLRC) noong Mayo 2009 (halos isang taon na ang nakaraan). Gusto nilang ipakitang sila ang nagmamagandang-loob dahil hindi nila kaagad na tinanggal ang mga manggagawa. Pero ito ay hindi kusang-loob kundi inobliga ng apela ng unyon (Motion for Reconsideration) sa NLRC.

Pero nang ipinagkait ng NLRC ang aming mosyon - at inangkas sa kaso ang gawa-gawang iligal strike, ibig sabihin, itinuring na welga ang aming “moving picket” - nagpasya kaming hindi na iapela ang desisyon ng NLRC sa Court Appeals hanggang sa Supreme Court. Sa kabila ng aming solidong posisyon, hindi kami kinatigan ng NLRC. Natutukso kaming magduda na ang Komisyon ay may “komisyon” mula sa Goldilocks Management.

Inasahan na namin ang ganitong desisyon ng NLRC. Kaya naman naobliga kaming pumili sa dalawang ligal na larangan: (a) ang pag-apela sa Court of Appeals hanggang sa Supreme Court, o (b) ang paglulunsad ng welga - na ginagarantiyahan ng Konstitusyon at ng Labor Code of the Philippines.

Sa dalawang opsyon, ang pinakamadali ay ang pag-apela sa Korte. Subalit mas matagal ang paghihintay ng resolusyon. Hindi ito ang pinili namin. Sapagkat inaasahan namin ang tuloy-tuloy pang pagtatanggal ng mga trabahador ng Goldilocks Management para makatipid sa labor costs at durugin ang BISIG-AGLO-BMP.

Mas komplikado at mas mahirap ang landas ng pagwewelga. Pero mas dito matitiyak namin ang tagumpay sa aming mga kahilingan sapagkat ang kinakailangan lamang tiyakin ay ang pagsuporta ng mga manggagawa upang matigil ang operasyon.

Mga kababayan! Hinihingi namin ang inyong simpatya't pag-unawa. Prayoridad din namin ang mga tagapagtangkilik ng Goldilocks. Pero hindi naman kalabisang ikunsidera namin ang aming sariling kapakanan - ang kasigurahan sa trabaho at karapatang mag-unyon at makipag-CBA na amin ding mga Konstitusyunal na karapatan.

Kung inyo pong mamarapatin, hiling namin na pansamantalang huwag tangkilikin ang Goldilocks upang maobliga ang Management na ibalik sa trabaho ang 127 manggagawa. Lalupa't pinangangambahan naming gagamit ito ng dahas laban sa aming welga. Hindi na bago ang ganitong ganting reaksyon ng Goldilocks Management. Sa welgang hinarap nito noong 1991, tatlong unyonista ang namatay at 6 ang sugatan nang paulanan ng bala ang picket line.

Pagpalain nawa tayo ng Poong Maykapal. Mabuhay ang uring manggagawa at sambayanang Pilipino!

PR - Workers Strike at Goldilocks Begins

PRESS RELEASE
March 11, 2010
BISIG-AGLO-BMP
Contact Persons: Joel Lachica (BISIG Union President) 09359460790, Rev (BISIG Union VP) 09157828455, Leody De Guzman (BMP President) 09237116070, Butch Pena (AGLO Rep) 09228195949

Reinstate the dismissed workers! Stop retrenchment of regular workers and put an end to the contractualization scheme at Goldilocks!

Goldilocks Workers formally staged a strike today (3:00 am, March 11, 2010) at the two plants located in Mandaluyong. The strike came as a result of the failure of both parties to conciliate.

Last February 8, 2010, the Goldilocks Company illegally dismissed 127 workers. The order came from the NLRC (National labor Relations Commission) but the management failed to consummate the necessary protocol and instead hastily implemented the order. Such action proved to be an illegal act.

Goldilocks workers filed a notice of strike while a simultaneous hearing was held at the NCMB of the Department of Labor. The violation of the management of the partial agreement entered into with the BISIG Union and the distortion of facts as presented in the manifestations in the 2 consecutive hearings last February 23-24 paved the way for the collapse of the conciliation.

The Goldilocks Workers believed that the dismissal of their colleagues was an off-shoot of the company’s plan to implement the contractualization scheme. The 127 workers will be replaced by the contractual workers to maintain huge profits and ensure low wages and benefits.

Despite the fact that the company has grown to be a successful establishment with 200 branches nationwide and outlets abroad, Goldilocks workers were left with nothing but instead met with illegal dismissal and related unfair labor practices. The company was threatened by the existence of a genuine union and in turn prompted further their resolve to frustrate and annihilate the union.

In the past, the company has proven its might as to its policies with regard to labor dispute. Mr. Joel Lachica, BISIG Union President, narrated that in the first strike of Goldilocks in 1991, “Three workers were killed and 6 were wounded when the picket line were brutally sprayed with bullets by the police in that strike and we’re not discounting the possibility that such harrowing experience would be repeated this time around.” ######

March 8 Press Release - Bukluran ng Kababaihan para sa Pagbabago

Press Release

8 March 2010
SANLAKAS-PLM-BMP-KPML
BKP (Bukluran ng Kababaihan para sa Pagbabago)

Women lighted torches to commemorate women’s day
and vowed to work for real change and women’s emancipation!

Women participants gathered in front of the Sto. Domingo Church highlighting the 100th year women’s day celebration for a march rally. The group estimated to be a thousand articulated their issues of concern in the context of the upcoming 2010 elections. The group belonging to the newly formed BKP (Bukluran ng Kababaihan para sa Pagbabago) challenged all the candidates to make a stand on issues affecting their plight. The group mostly came from Partido Lakas ng Masa, Sanlakas and some allied organizations in various sectors.

The group questioned the inability of the GMA administration to further advance the interests of Filipino women who bear the brunt of the crisis, a far cry from the purported allegations of growth where it only benefited the rich and continually deprived the marginalized poor. For over 92M population now, around 30% or roughly 30M living in a measly over P1,200.00 a month. Last year’s data showed that the inflation rate was pegged at 20.3% compared to the 11.4 % posted in 2000, a year before the ascendancy of the GMA administration.

“The failure to pass the RH Bill is tantamount of killing our basic right to live with dignity and respect and we deplore the very fact that no one among the present crop of those running for President capable of easing our burden and hardships.” Portia Ariesgado, BKP spokesperson lamented in an interview.

“Not one single candidate concretely spelled out programs to alleviate poverty and what is heartening to the public is that all of them are in unison in pursuing their platforms in motherhood statements and propaganda.” Ariesgado further elaborated.

The marchers proceeded to Welcome Rotunda and held a program where various speakers lambasted major issues confronting the plight of women. Among the issues that were ventilated were the following: high prices of commodities, social services, poverty, domestic violence and related women’s issues.

As a culmination of their program, the group lighted torches symbolizing their adherence for social change and women’s liberation. ###


For more details,
Contact Person: Ms Nelia Vibar (09237167176)

Movement for Decent Work-Decent Life Launched in Laguna

Press Statement

Feb. 21, 2010
Calamba City, Laguna

Movement for Decent Work-Decent Life Launched in Laguna

A Leaders Forum on “Marangal na Trabaho-Marangal na Buhay” was held last February 20, 2010 at Riverview Resort in Calamba City, Laguna.

The affair was sponsored by top leaders of Bukluran ng Manggagawang Pilipino-Southern Tagalog (BMP-ST), AKBAYAN-Laguna, Sosyalistang Ugnayan ng Manggagawang Pilipino (SUMAPI), Nagkakaisang Lakas ng Manggagawa sa Laguna (NLML), Kapayapaan Homeowners’ Association (KHOA-Canlubang), Samahang Magkakapitbahay ng Brgy. Lamot I (Calauan), Southville Phase 5 Homeowners’ Association (Cabuyao), Maligaya Homeowners’ Association (San Pedro), Bigkis ng Manggagawa sa Arcya Glass and CALABARZON Displaced Workers Association (CADIWA).

It was attended by more than 300 leaders of local organizations representing the sectors of workers, urban poor, TODA, vendors, fisher folks, concerned homeowners and displaced workers in the province of Laguna.

The theme was inspired by the “Decent Work-Decent Life Campaign” spearheaded by the alliance of Solidar, International Trade Union Confederation (ITUC), European Trade Union Confederation (ETUC), Social Alert International and Global Progressive Forum. This campaign was launched in Nairobi on January 2007 to appeal to all nations to live up to the 2005 UN World Summit agreement of placing full and productive employment and decent work as a central objective of relevant national and international policies.

The attainment of Decent Work and Decent Life calls for an interactive participation of the people to ensure that decent work is integrated in the programs and policies of the government. Hence, some politicians aspiring for local and national post were invited in the forum to share their views, but failed to attend and sent their representatives instead.

The forum focused on the need to generate and broaden opportunities for adequate employment, education, housing, workers rights and labor standards, health care, social protection, social dialogue and representation of marginalized sectors in the government.

Before the forum ended, the participants enthusiastically adopted the following resolutions:

1. Form the “Decent Work-Decent Life Movement” with the Convenor as Interim Officers;
2. Further develop the Decent Work-Decent Life Agenda into a ” People’s Action-Platform” that will serve as a framework in the 2010 election and beyond and as a tool to challenge and gauge aspiring politicians;
3. Recruit members and organized chapters of movement in within their local organizations, families, communities and workplaces.

Marangal na Trabaho - Marangal na Buhay - BMP-ST

Sumama sa pagbabago...
SA 2010 ELECTION: TAUMBAYAN NAMAN!
mula sa BMP-ST

Simula ng mauso ang eleksyon, ang laging tema ng halalan sa bansa ay pagalingan ng mga plataporma o pangako ng mga kandidato.

Lahat ay nagpapahayag ng mga programa o plataporma ukol sa kaunlaran ng bansa, mabuting pamamahala, katarungang panlipunan, matapat na serbisyo, pagpuksa sa korapsyon, peace and order, trabaho at kabuhayan, edukasyon, kalusugan, pangangalaga sa kapaligiran, pagpawi ng kahirapan, paggalang sa demokrasya at karapatang pantao, pangangalaga sa mga OFWs, murang pabahay at marami pang iba. Kulang na lang ipangako pati ang langit. May sumpaan at pirmahan pa ukol sa malinis at mapayapang halalan.

Subalit ating pansinin, hindi ba't paulit-ulit na lamang ang mga pangakong ito, recycled, parang ukay-ukay. Nagpapalitan lang ng mukha at posisyon ang mga nanunungkulan, habang ang taumbayan ay patuloy na bigo sa mga inaasahang pangako.

Hanggang kailan tayo aasa? Hindi ba't kalabisan na ang mahigit limampung (50) taon na ipinaubaya natin sa mga pulitiko ang kinabukasan ng ating pamilya? Hindi ba't ang mga recycled nilang pangako ang mismong patunay sa bulok na sistema ng halalan at pamamahala sa bansa? Na kung saan, sakalakhan, angkarapatang bumoto ay katumbas lamang ng kalayaang pumili kung sinu-sino ang susunod na magpapasasa sa kapangyarihan.

Ngayong 2010 election, wakasan na natin ang pasibong partisipasyon ng taumbayan sa halalan na tagapanood lamang ng mga patalastas o meeting-de-avance! Yamang ang boto ng taumbayan ang basehan kung sinu-sino ang pupwesto sa gobyerno, kung gayon, ang karapatang bumoto ay mabisang sandata't kapangyarihan upang itadhana ang mga programa't plataporma na dapat isakatuparan ng mga kandidato, sinuman sa kanila ang iproklama ng Comelec.

Panahon na upang itanghal sa entablado ng pulitika ang landas sa tunay na pagbabago tungo sa kapalaran ng bawat tao; ng mga manggagawa sa pribado at gobyerno, magsasaka't magbubukid, mangingisda, manggagawa sa transportasyon, guro at mga propesyunal, vendors, OFWs, kabataan at estudyante, kababaihan, senior citizens, mga disabled, mga unemployed, at higit sa lahat, ng susunod na henerasyon - walang iba kundi ang ating mga anak at apo. Paano ito maisasagawa? Organisahin ang ating mga sarili, bawat isa, lahat tayo, batay sa isang mithiin, sa isang programa't plataporma!

Mithiin ng bawat Pilipino ang isang MARANGAL NA TRABAHO - MARANGAL NA BUHAY (MT-MB). Ito ang sumada ng ating programaoaksyon-platapormabilang mandatong igagawad sa mga nag-aambisyong manungkulan sa gobyerno, mula sa pambansa hanggang sa lokal na pamahalaan. Ito ang ating panuntunan sa 2010 Election at sa mga susunod pang halalan hanggang sa ganap na umiral ang MT-MB para sa lahat.

Ano ang Marangal na Trabaho - Marangal na Buhay?

Ito ay halaw sa Decent Wok Agenda na binalangkas ngInternational Labor Organization noong 1999. Ayon kay Juan Somavia, Director General ng ILO, Ang pangunahing layunin ng ILO ay isulong ang oportunidad ng mga kababaihan at kalalakihan na makamit ang desente at produktibong paggawa sakondisyong may kalayaan, pagkakapantay-pantay, seguridad at makataong dignidad.

Ang Decent Work Agenda ay masusuma sa apat na estratehikong layunin (o Four Pillars):
1. Maisakatuparan ang mga batayang prinsipyo at karapatan sa paggawa at internasyunal na pamantayan sa paggawa (international labor standards);
2. Sapat na oportunidad sa empleyo at kita;
3. Mapairal ang panlipunang potekyon at panlipunang seguridad;
4. Maisapraktika ang panlipunang diyalogo at tripartismo.

Sumasaklawang mga layuning ito sa lahat ng tao, manggagawa, lalaki man o babae, nasa pormal o impormal na ekonomya, sahuran man o sariling paggawa; nasa bukid, pabrika o opisina; nasa kanilang mga tahanan, o nasa komunidad.

Nakapaloob din ito sa Phil. National Action Plan for Decent Work (2002-2005) na siya ring pinaghalawan ng League of Municipalities of the Phil., League of Provinces of the Phils., at Union of Local Authorities of the Phil. upang isanib ang Decent Work Agenda sa kanilang local development plans.

Sa diwa, ang Marangal na Trabaho - Marangal na Buhay ay hindi nalalayo sa mga pangako o plataporma ng mga pulitiko.

Ngayong 2010 election, ibubukas natin sa mga pulitiko ang Marangal na Trabaho - Marangal na Buhay bilang aksyon-plataporma ng taumbayan. Kung sinsero sila sa kanilang mga ipinapangako, hahamunin natin silang isulat sa kanilang plataporma ang mga ispesipikong programa na magsusulong ng Marangal na Trabaho - Marangal na Buhay sa kanilang constituents.

Sa panimulang yugto, ang mga aksyon-plataporma ng MT-MB ay ang mga sumusunod:
1. Tuloy-tuloy na paglikha ng mga trabaho at kabuhayan hanggang mapawi ang karukhaan.
2. Pagsasakatuparan ng sahod na nakabubuhay (family living wage)
3.Pagsasakatuparan ng regular na empleyo (Art. 280, Labor Code) at seguridad sa trabaho.
4. Ganap at walang pasubaling pagbabawal sa Labor Only Contracting (LOC) na may kaukulang kaparusahan na pagkabilanggo, multa at kabayaran sa mga biktima.
5. Ganap na kalayaan at karapatan sa pag-oorganisa, pagtatayo ng mga samahan at pakikipagtawaran ng mga manggagawa sa industriya, agrikultura, serbisyo at gobyerno.
6.Ipatupad ng walang pasubali ang International at Philippine Labor Standards. Kriminalisasyon sa may paglabag.
7. Isabatas ang profit sharing.
8. Isabatas ang mandatory Trust Fund sa retirement, gratuity pay at separation pay para sa lahat ng manggagawa.
9. Isabatas ang Unemployment Insurance.
10. Isabatas ang anim na oras at anim na araw na paggawa sa isang linggo (6 hours work a day at 6 days work a week) nang walang kabawasan sa sahod at benpisyo, nang sa gayo'y dumami ang oportunidad sa empleyo.
11. Sapat na proyektong pangkabuhayan para sa mga informal sectors.
12. Isakatuparan ang pondo ng LGUs para sa Gender at Development programs.
13. Paunlarin at palawakin ang mga bnepisyo at oportunidad para sa mga senior citizens at disabled persons.
14. Palawakin ang programa at laanan ng sapat na pondo ang libreng edukasyon at serbisyong medikal para sa mga mahihirap.
15. Isakatuparan ang 10% discount sa presyo ng gasolina, krudo, spare parts at langis para sa mga drivers ng tricycle,jeepney at taxi.
16. Abot-kayang pabahay sa mga maralita.
17. Ligtas na relokasyon, sapat na serbisyo at kabuhayan sa mga pamilyang naninirahan sa mga danger zones.
18. Isakatuparan ang demokratikong partisipasyon ng mamamayan sa pagtatakda at pagpapasya sa mga programa, proyekto at taunang budget ng lokal na pamahalaan.
19. Ipatupad ang sektoral na representasyon ng mga marginalized sectors sa Lokal na Sanggunian ng bawat lokal na pamahalaan.
20. Itayo ang People's Council bilang katuwang ng mga lokal na pamahalaan sa pagbabalangkas at pagpapatupad ng programa sa pagkakamit ngMT-MB.

Ang mga ito ay panimula lamang, bukas sa pagbabago at pagpapaunlad habang patuloy na isinusulong. Ang tagumpay ng Marangal na Trabaho - Marangal na Buhay ay hindi madaling kamtin. Ito ay pangunahing nakasalalay sa dalawang elemento. Una ay ang pagluluklok ng mga kaagapay na lingkod-bayan na tapat at sinsero sa platapormang ito. Ikalawa ay ang patuloy na paglaganap at paglawak ng mamamayan na nakikiisa't naninindigan sa ikatatagumpay nito. Kapag sa bawat bayan at lungsod ay naabot na ang mayoryang bilangng mamamayan na nakikiisa sa Marangal na Trabaho - Marangal na Buhay, kung sa bawat pabrika, komunidad, tahanan, eskwelahan, palengke, bukirin at lansangan ay nakapundar na ang kilusan para sa MT-MB, hindi na mahirap kamtin ang unang elemento.

Tungo rito, simulan natin ang unang halbang. Itatag ang kilusan ng taumbayan para sa Marangal na Trabaho - Marangal na Buhay! Ipundar ang mga grupo o cells ng MT-MB sa ating mga lugar ng trabaho, hanapbuhay at paninirahan.

Ibalik sa trabaho ang 127 manggagawang tinanggal sa Goldilocks!

Para sa: Lahat ng Unyon, Asosasyon at Buklod

Hinggil sa: Suporta sa Laban ng mga Manggagawang Tinanggal sa Goldilocks

Mula sa: Komiteng Tagapagpaganap

Petsa: Pebrero 17, 2010

-----------------------------------------------------------------------------------------------------------

Ibalik sa trabaho ang 127 manggagawang tinanggal sa Goldilocks!

Tinanggal ang 127 lider manggagawa ng Goldilocks noong Feb. 8, 2010. Tinanggal sila sa kasong hindi nila ginawa. Hinatulan sila ng illegal strike ng NLRC, gayong wala namang nakasampang kaso ng illegal strike at sa katotohanan, hindi naglunsad ng strike ang mga manggagawa ng Goldilocks.

Nagsimula ang usapin nang ang Bukluran ng Independyenteng Samahang Itinatag sa Goldilocks (BISIG), bilang nanalong unyon sa ginanap na Certification Election (CE), ay naghapag sa management ng CBA proposal. Tinangihan ng management ang pakikipagharap sa BISIG sa katwirang naghahabol pa ang natalong unyon (BUKLOD). Dahil dito, nagsampa ng Notice of Strike (NOS) ang BISIG sa DOLE sa kasong; 1) Refusal to Bargain; 2) Illegal suspension ng mga lider na aktibo sa pangangampanya sa BISIG; 3) Illegal Transfer ng Presidente ng BISIG, paglilipat mula sa SM Cubao patungong SM Molino, Cavite, gayong may binuksan namang branch sa Ali Mall na katabi lang ng SM sa Cubao; at 4) Discrimination sa pagbibigay ng P13 as Advance CBA sa mga manggagawa at di binigyan ang mga aktibong lider at kasapi ng BISIG.

Nang dumating ang araw na ipuputok na ang strike, nag-intervene ang DOLE, naglabas ng Assumption of Jurisdiction (AJ) ang Secretary of Labor, pero ang problema, binitawan ang kaso at ipinasa sa NLRC. Ang NLRC ang duminig at nagdesisyon sa apat (4) na asunto na nilalaman ng NOS.

Sa desisyon, pinaburan ng NLRC ang management. Inutusan ang management na makipag-CBA na sa natalong unyon, legal din daw ang suspension at ang transfer. Walang desisyon sa pang-apat pero nagdagdag ng isa pang hatol, iligal daw ang strike na ginawa ng mga manggagawa at tanggal ang 127 na nakilalang lumahok.

Ginawang strike ng NLRC ang picket protest na inilunsad ng mga manggagawa noong Mayo 27, 2009 pagkalabas nila ng trabaho. Subalit mula Mayo 27 hanggang sa madisisyunan ang pagtatanggal sa 127 lider, walang reklamong strike na inihapag ang management laban sa BISIG. Sariling diskarte lang ng Division 6 ng NLRC ang ipuslit ang kasong illegal strike para lang lagyan ng batayang tanggalin ang mga manggagawa.

Kung magkano ang dahilan ay hindi natin alam. Pero ang isang klaro, sabwatan ito ng management at ng Division 6 sa katauhan ni Commissioner Nieves De Cash-tro, Palacol at Ontiguera. Napatunayan ang sabwatang ito ng kailan lamang ay naglabas ng desisyon ang Court of Appeals na di pwedeng makipagnegotiate sa CBA ang management sa isang natalong unyon kahit pa makansela ang rehistro ng BISIG bilang nanalong unyon.

Ang naganap na tanggalan ay pakana ng management ng Goldiolocks. Ayaw ng Goldilocks na magkaroon ng tunay na unyon sa kanyang kompanya. Gusto ng Goldiloks magpatuloy ang kontraktwalisasyon, ang mababang sahod at benepisyo, ang tanggalan sa lahat ng regular na manggagawa. Kinasabwat niya ang NLRC upang pagmalupitan ang kanyang sariling manggagawa at pagdamutan ng pagkilala at benipisyong nauukol sa kanila.

Suportahan natin ang mga kapatid nating manggagawa sa Goldilocks, ipanawagan natin sa ating kasapian ang pansamantalang di pagtangkilik sa produkto ng Goldilocks. Sulatan at ipaalam sa Goldilocks management ang inyong desisyon at panawagan sa mga manggagawa nang di pagtangkilik hangga’t di naibabalik sa trabaho ang mga tinanggal. Ipadala sa address: Goldilocks, 498 Shaw Boulevard, Mandaluyong City. Magdikit ng minimum na 10 posters (kalakip nito) sa palibot ng pabrika. (Gawan ng paraang maidikit).

**2/17/2010**