Uring Manggagawa, Hukbong Mapagpalaya!

Sosyalismo ang Lunas! Ibagsak ang mapang-api't masibang kapitalistang sistema! Manggagawa sa Lahat ng Bansa, Magkaisa!

Martes, Disyembre 31, 2013

Pagkilos ng BMP bago magtapos ang taon 2013

Naglunsad ng pagkilos ang mga kasapi ng Bukluran ng Manggagawang Pilipino (BMP), Disyembre 30, 2013, sa Plaza Miranda sa Quiapo, Maynila. Narito ang ilang mga litrato:












Lunes, Disyembre 16, 2013

PR - Noynoy, “pinutulan ng mga manggagawa”!











PRESS RELEASE
16 December 2013

Contact person:
Gie Relova
0915-2862555

Noynoy, “pinutulan ng mga manggagawa”!

Sa gitna ng dose-dosenang problema mula sa kamakailan lamang inaprubahang “makasaysayang pagtaas” ng singil sa kuryente ng Meralco at ang malawakang epekto nito sa mga pangunahing bilihin hanggang sa banta ng pagtataas ng pasahe sa public utility jeeps, LRT at MRT hanggang sa karagdagang kaltasin para sa SSS at PhilHealth contribution ngayong Enero 2014, simbolikong nagbigay ang Bukluran ng Manggagawang Pilipino (BMP) ng “notice of disconnection” kay Pangulong Noynoy Aquino sa ngalan ng 39 na milyong manggagawang kumakatawan sa buong lakas paggawa ng bansa sa tahanan nito sa Quezon City.  

Binatikos ng mga manggagawa ang tila koordinado at tuloy-tuloy na atake ng mga korporasyon sa mga vital industries sa pamamagitan ng pakikipagsabwatan nito sa administrasyong Aquino laban sa mga manggagawa. Ayon sa kanila ang Malakanyang ang pangunahing responsable sa tatluhang-atake,” Matagal nang naglulunsad ng hindi-deklaradong giyera ang gobyernong Aquino laban sa mga manggagawang Pilipino. Ang mga pag-atakeng ito na naglalaman ng pagtataas ng presyo ng mga batayang pangangailangan, dagdag na kaltas sa dati nang tabas-tabas at kakaramput naming sahod at ang kawalan ng sapat na subsidyo sa panglipunang serbisyo ay mga sistematikong ipinapataw sa amin”,paliwanag ni Rodelito Atienza, Pangulo ng National Capital Region at Rizal Chapter ng BMP.    

Nakatakdang magpulong ang bicameral conference committee upang ipinalisa ang pagtatapyas ng subsidyo sa dalawapu’t-anim (26) na state colleges and universities bago maisabatas ang 2014 General Appropriations Act, pito dito ay kasama sa mga winasak ng bagyong Yolanda.

“Hindi na kayang sikmurain pa ng mga manggagawa ang isang pangulo na sadyang pinarurusahan ang mamamayan sa pamamagitan pagpapalala pa ng kalunos-lunos na naming kalagayan. Kahit nga ang mga ekonomista ng pangulo ay aminadong walang signipikanteng pagtataas ng umento sa sahod buhat ng siya ay maluklok noong 2010, mabilis na nauubos ang regular na trabaho habang ang kakulangan ng trabaho ay patuloy na tumataas nitong huling tatlong taon,” ayon kay Atienza. 

“Salamat sa garapal na pangangayupapa ni Aquino sa interes ng mga malalaking korporasyon ng mga elitistang iilan, ang masa ang magdurusa sa hagupit ng bigong patakarang deregulasyon sa mga vital industries,” dagdag pa niya. 

Sinabi ni Atienza na, “Nakakadismaya si Aquino ngayong 2013 ngunit mas lalala pa ang peste na naghihintay sa atin sa 2014. Kumbinsido kami na siya talaga ang Chief Executive officer ng buong sugapa-sa-tubo, mapang-aliping sistemang pulitikal at dahil dito ay dapat lang na “putulan” na siya ng tiwala ng manggagawang Pilipino.  

Ang mga dagdag na pahirap sa kabuhayan na sinasabing delubyong ipapataw ng administrasyong Aquino ay binubuo ng pagtataas ng presyo ng bilihin resulta ng pagtaas ng presyo ng petrolyo, LPG at kuryente, pagtaas ng pasahe sa jeep, LRT, MRT, ang dagdag na kaltas sa SSS, PhilHealth at ang ikalawang yugto ng dagdag na buwis sa alak at sigarilyo sa ilalim ng Sin Tax Reform Law.

Marami ang nangangamba na ang presyo ng langis at LPG ay tataas isa o dalawang beses pa bago matapos ang taon dahil kadalasan itong nangyayari sa panahon ng taglamig.

Sinalungat din ng BMP ang pahayag ni Deputy Spokesperson Abigail Valte noong Biyernes na ang ngitngit ng publiko laban sa pagtaas ng presyo ng kuryente ay hindi nakapatungkol kay Aquino. “Paano niya ito maitatanggi, gayung sa mismong bahay ni Noynoy nagaganap ang mga protesta, sumasalamin ito sa galit ng bayan sa kanya at mga polisiya niya? Hindi kataka-takang napuputulan ang pangulo ng tiwala dahil sa pagkakaroon ng mga nananaginip-ng-gising na mga tagapagsalita,” patutsada ni Atienza.

Sa protesta sa Times St., binigyan ng mga manggagawa si Aquino ng isang “disconnection notice”, kahalintulad ng sinasapit ng daang-libong kustomer ng Meralco sa tuwing hindi makabayad ng napakamahal na kuryente.  

Kasama sa litanya ng mga manggagawa ang kabiguan ng administrasyon na pigilan ang malawakang pagtataas ng mga presyo, pagtalikod sa tungkuling ipatupad ang mga probisyong Living wage at Security of tenure ng Konstitusyon, patuloy na pagpapatupad ng deregulasyon, pagabandona sa panglipunang serbisyo kapalit ng praybitisasyon, palpak na pamamahala sa relief at rehabilitation sa mga lugar na sinalanta ng Yolanda, ang kapit-tukong pagdepensa sa pork barrel system at ang pamamayagpag ng trapong politika.

Idineklara ni Atienza sa ginanap na protesta na, “Lahat ng isyung hindi tinugunan at mga lantarang paglabag ay sapat upang putulin ang tiwala at simpatya namin sa isang elitista at walang-silbing laki-sa-layaw na Presidente”.

Iminungkahi ng BMP na magpatupad ng kagyat na pang-ekonomikong remedyo upang maibsan ang epekto ng parating na delubyo sa mamamayan gaya ng pagbasura sa VAT sa langis at kuryente, paggamit ng pondo ng Malampaya, moratorium sa pagbabayad ng utang at ituon na lamang sa edukasyon, kalusugan at pabahay at ang pagpapaliban ng dagdag singil ng SSS at PhilHealth.  

“Lahat ng ito ay mga pang-tapal na solusyon lamang, ang pagbasura sa EPIRA Law at Oil Deregulation Law, pagsasabatas ng Living wage at ang pagbasura sa kontraktuwalisasyon bilang mga mayor na pagbabago sa polisiya ang tunay na magbibigay ng pang-ekonomikong hustisya” paglilinaw nito. 

Ang mga repormang nabanggit lamang, ayon sa BMP ang maaring muling “magkabit” sa mga manggagawa kay Aquino. ###



Miyerkules, Disyembre 11, 2013

Relief operation ng BMP sa mga nasalanta ng Yolanda sa Leyte

Disyembre 7, 2014 - Naglakbay ang ilang kasapi ng BMP mula sa Caritas, Manila patungong St. Vincent Ferrer Parish sa Tanauan, Leyte mula Disyembre 1, 2013 ng umaga hanggang Disyembre 6, 2013 ng madaling araw nang makabalik silang muli ng Maynila. Ang nasabing pagkilos na ito ay bunsod ng naganap na bagyong Yolanda, na ikinasawi ng libu-libong tao, noong Nobyembre 8, 2013.

Ulat at mga litrato ni Greg Bituin Jr.

Martes, Disyembre 10, 2013

Sabwatang Meralco at ERC, kinundena ng militante, Karabana ng Protesta, Inilunsad



JOINT PRESS RELEASE
09 December 2013
Contact person:
Gie Relova
0915-2862555

Sabwatang Meralco at ERC, kinundena ng militante
Karabana ng protesta, inilunsad

NANGALSADA ulit ang militanteng Bukluran ng Manggagawang Pilipino (BMP) at Kongreso ng Pagkakaisa ng Maralitang Lungsod (KPML) para igiit na ang napipintong pagtaas ng singgil sa kuryente ng P4.15/kWh ng kumpanyang Meralco ay isang ‘di makatwirang pabigat lamang sa mga kababayan nating hindi pa nakakabawi sa mga trahedya’t kalamidad na tumama sa bansa ngayong taon. 

“Habang walang signipikanteng dagdag umento at talamak pa rin ang kontrakwal na trabaho, dati nang kalunos-lunos ang kalagayan ng mga manggagawa at kapag natupad pa ang panibagong pabigat ng Meralco, ultimong ang kaprasong pang-Noche Buena ng aming pamilya ay kukunin pa nila para lang pagbigyan ang kanilang walang katapusang kasibaan sa tubo. Ang patuloy na paglala ng kalagayan ay magtutulak sa mga obrero sa desperasyon at sa huli’y sa rebelyon,” sabi ni Gie Relova, lider ng BMP 

Naglunsad ng isang karabana ng protesta ang mga nasabing grupo kung saan ay isa-isa nilang niralihan ang mga sangay ng Meralco sa mga lungsod ng Kaloocan, Quezon at Maynila. Dumulo ang protesta sa tanggapan ng Energy Regulatory Commission (ERC) sa lungsod ng Pasig, kung saan naganap ang deliberasyon ng Komisyon sa petisyon ng Meralco sa dagdag singil. 

Nagsalitan ang mga tagapagsalita ng BMP at KPML sa pagkundena sa Meralco at ERC. Giit nila, magkakutsaba ang pribadong kumpanya at ahensya ng gobyerno sa dagdag pahirap na P4.15/kWh.

“Kahit minsan, mula nang isinilang ang ERC ay hindi pa ito nagsilbi sa interes ng nakararaming naghihirap. Isang tuod ang ahensyang ito na ang tanging silbi ay makapanlinlang at palabasin na may ginagawa ang gubyerno para isulong ang kapakanan ng mamamayan,” dagdag ni Relova.

Ang ERC ay inanak ng pagsasabatas ng Electricity Power Industry Reform Act noong 1999 para garantiyahan ang malinaw at makatwirang presyo ng kuryente sa isang malaya at patas na kumpetisyon at may pananagutan sa publiko. Bahagi rin ng mandato nito ang pagtatatag ng isang malakas at independyenteng kapulungan na magsasaayos at magsisistemisa para sa proteksyon ng mga gumagamit ng kuryente. 

“Ang Malakanyang at Kagawaran ng Enerhiya ay hindi rin ligtas sa kritisismo. Umaasta lamang sila na ginagawa nila ang lahat para sa mamamayan ngunit ang katotohana’y puro apila lang sa management ng Meralco ang kanilang nagawa. Kung talagang sinsero ang gobyernong ito na protektahan ang interes ng nakararami, dapat suspendihin muna nito ang VAT sa kuryente hanggang sa mag-normal ulit ang operasyon ng Malampaya para mabawasan man lang ang impak sa mamamayan ng panibagong dagdag singgil,” panukala ni Relova. 

Samantala, hiniling sa gobyerno ni Anthony Barnedo, tagapagsalita ng KPML, ang buong kalagayan at lubos na paggamit ng pondong Malampaya matapos ideklara ng Korte Suprema na ang pondo’y eksklusibo para sa elektripikasyon.

“Kailangang ipatupad ang desisyon ng Korte Suprema hanggang sa huling letra nito. Ang kinita ng gobyerno sa Malampaya ang dapat gamitin para sa rehabilitasyon ng mga planta at kawad ng kuryente na nasira ng bagyong Yolanda at hindi dapat magmula sa bulsa ng mga tumatangkilik sa Meralco,” sabi ni Barnedo.###

Militants hits Meralco and ERC collusion, Protest Caravan Launched




JOINT PRESS RELEASE
09 December 2013

Militants hits Meralco and ERC collusion,
Protest Caravan Launched


MILITANTS belonging to Bukluran ng Manggagawang Pilipino (BMP) and Kongreso ng Pagkakaisa ng Maralitang Lungsod (KPML) once again took to the streets to reiterate that the P4.15/kwh increase in electricity rates of power firm Meralco is an unjust burden to millions of Filipinos who have not yet recuperated from the calamities that hit the country in the past months.

“With no significant wage increase since 2010 and only contractual jobs available, the living conditions of workers are already wretched as it is. Once implemented, Meralco and the power producers shall only rob our families’ meager budget for noche buena just to satisfy their insatiable appetite for profit. Exacerbating our situation will only push the workers to desperation and eventually revolt,” said BMP leader, Gie Relova.

The groups held a protest caravan and held protests at Meralco branches in Caloocan City, Quezon City and Manila. The protest caravan culminated at the office of the Energy Regulatory Commission (ERC) in Pasig City, in time for the deliberations of the commission on the Meralco rate hike petition.

The BMP and KPML speakers took turns in lambasting both Meralco and the ERC, in what they claimed was collusion between a power distribution monopoly and the agency tasked to “regulate” electricity prices in an already deregulated power industry.

Relova pointed out that, “Not even once since its onset did the ERC favor the interests of the people over the vulture-like Meralco. This agency is as lame as a duck, designed to deceive and provide the notion that the government is working for the electricity consumers’ welfare”.

The ERC was created upon the enactment of the Electricity Power Industry Reform Act in 1999 to ensure transparent and reasonable prices of electricity in a regime of free and fair competition and full public accountability. Also part of its mandate is to establish a strong and purely independent regulatory body and system to ensure consumer protection.

“Malacanang and the Department of Energy cannot claim impartiality and act as if they have done anything and everything when all they have done is appeal to the management of Meralco by pathetically citing its corporate social responsibility. If the national government is truly sincere in protecting the interests of the multitude, then it should suspend the collection of value-added tax (VAT) pending the normalization of the operations at the Malampaya gas field to decrease the hike’s impacts,” Relova proposed.

Meanwhile KPML spokesperson Anthony Barnedo demanded from government authorities the full disclosure and utilization of the Malampaya funds since the Supreme Court (SC) recently decreed that its sole purpose was for the electrification of the countryside.

“The SC decision must be implemented to the letter. The revenues sourced from the Malampaya gas field must be utilized for the rehabilitation of the power plants and transmission lines struck by Yolanda and not from the pockets of the Meralco consumers,” Barnedo asserted.###

Contact person:
Gie Relova - BMP-NCRR, Secretary-General
0915-2862555

Biyernes, Disyembre 6, 2013

Militante sinugod ang Meralco dahil sa P3+/kwh na dagdag-singgil

PRESS RELEASE 
December 5, 2013 
Bukluran ng Manggagawang Pilipino (BMP) 

Contact person: 
BMP National President 
Leody de Guzman 09205200672 

Militante sinugod ang Meralco dahil sa P3+/kwh na dagdag-singgil:
"Para maibalik ang kuryente sa Bisayas, dapat magmula sa 
pondong Malampaya at ‘di sa bulsa ng konsumer"

SUMUGOD sa tanggapan ng Meralco ang mga militanteng grupong Bukluran ng Manggagawang Pilipino (BMP) at Kongreso ng Pagkakaisa ng Maralitang Lungsod(KPML) para iprotesta ang napipintong pinakamataas na karagdagang singgil sa kuryente sa kasaysayan ng Meralco. Balak nitong ipatupad ang dagdag singgil ngayong buwan. 


Bitbit ng mga raliyista ang mga plakard na may slogang: "Meralco: Ganid", "Meralco: Swapang", "Binagyo na, Pagsasamantalahan pa!" 


Inanunsyo kamakailan ng Meralco na magdadagdag sila ng mahigit P3 kada kilowatthour (kwh), tinatayang tataas ang bayarin ng P600 ng isang pamamahay na regular na kumokonsumo ng 200 kwh kada buwan. Ayon sa Meralco, ang pagtaas ay sanhi ng pagpapalit sa diesel mula sa mas murang natural gas dahil sa naka-skedyul nitong maintenance. Ang natural gas na nakukuha sa Malampaya ang ginagamit sa halos kalahati ng demand sa kuryente ng buong Luzon. Dagdag pa, ang mga konsumer ng Meralco ang siyang papasan sa 6.5 bilyong pisong rekonstruksyon ng mga nasirang linya ng kuryente dahil sa bagyong Yolanda. 


Dineklara ni Leody de Guzman, pambansang taga-Pangulo ng BMP na,”Dapat lang na bitayin ang Board ng Meralco dahil sila’y mga ganid sa tubo. Ang pagsamantalahan ang pighati ng mamamayan ay pagpapakita lamang ng kawalan ng puso ng kumpanya.” Kung ang maintenance ng Malampaya ay totoong naka-skedyul, dapat lang na pinaghandaan ito ng Meralco at ng gobyerno para protektahan ang mamamayan sa hindi makatwirang mga singgil. Ngunit nanahimik at hinayaan ng gobyerno ang pinakahuling kaluputin na sinapit ng taumbayan. Ang katotohanan, makikinabang din kasi ang gobyerno sa mataas na kuryente dahil sa mas mataas na VAT na kokolektahin nito, dagdag ni De Guzman. 


“Para maibalik ang kuryente sa Bisayas, dapat magmula sa pondong Malampaya at ‘di sa bulsa ng masa. Kung may silbi man ang programang Public-Private Partnership ng gobyerno sa mamayan, dapat lamang na pareho nilang pondohan ang rekonstruksyon ng mga nasirang planta at linya ng kuryente sa Kabisayaan.  Ang pondong Malampaya na dineklara ng Korte Suprema na eksklusibo para sa programang elektripikasyon ang dapat gamitin sa mga dinaanan ng bagyong Yolanda” paglilinaw ni De Guzman. 


Hinirit ni De Guzman na, "Hindi dapat magdalawang isip ang gobyerno na mamuhunan sa industriya ng kuryente para garantisadong magmumura ang presyo ng kuryente sa bansa. Gayung ito ang sentral na dinadahilan ng mga imbestor sa kanilang hindi pagnenegosyo sa Pilipinas". ###

May 1, 2013 rali

Das Kapital published on 14 Sept 1867

Das Kapital published on 14 Sept 1867

Itigil ang Tanggalan!

Itigil ang Tanggalan!
Disenteng Trabaho para sa Lahat!

kagutuman sa kabila ng kahirapan

kagutuman sa kabila ng kahirapan

Mga Tagasubaybay

Slam Evil, Slam Apec

Slam Evil, Slam Apec
November 1996