BMP-ST - Ang taong 2009 at parating na 2010

Ang taong 2009 at parating na 2010

(Nagbabadya ang masamang pangitain)

Taon ng matitinding krisis at dilubyo ng bansa:

Ang taong 2009 ang nagpatingkad sa tunay na katangian ng rehimen ni Gloria Macapagal Arroyo. Nagpakita ng tunay na kalagayan ng ating bansa, sa larangan ng ekonomiya, pulitika, kultura at relasyong panlabas. Tumama ang Global Financial Crisis, binayo ng magkasunod na bagyong Ondoy at Pepeng, pagkalantad sa laganap na katiwalian sa pamahalaan, walang habas na pagtaas sa persyo ng langis at mga bilihin, laganap na paglabag sa karapatang pantao at kagutuman, pinakahuli ang karumaldumal na Masaker sa Maguindanao at Self Serving Martial Law Declaration. Para pagtakpan ang mga Ampatuan Clan at pagkabunyag ng laganap na dayaan sa mga nakalipas na halalan noong 2004 at 2007.

Unang kwarto ng 2009, naganap ang malawakang tanggalan sa trabaho at sarahan ng mga pabrika. Nagresulta ng 1. 2 milyong manggagawang nawalan ng trabaho at kabuhayan. Hindi pa kabilang ang domino “effect” nito sa hanay ng mga manggagawa sa transportasyon, vendors at mga bahay-kainan at pasyalan.

Ikalawang kwarto ng 2009, naganap ang walang habas na pagtaas ng presyo ng langis at mga pangunahing bilihin sa pang-araw-araw na pangangailangan ng bawat pamilya. Na hanggang sa kasalukuyan ay hindi maampat ang patuloy na pagtaas ng presyo ng mga bilihin. Nagaganap at patuloy na magaganap ito, dahil sa istelong sindikatong (MAFIA) pamumuno ng Malakanyang.

Ikatlong kwarto ng 2009, tumama sa ating bansa ang bagyong Ondoy at Pepeng, na puminsala sa buhay at ari-arian, dislokasyon sa paninirahan ng milyon-milyon nating mga kababayan. Pinsala na halos kapantay ng pinsalang dulot ng WW II. Ang tanong: Sino ang may sala at salarin? Sa gera (WW II) tukoy kung sino ang may sala at salarin, tukoy kung sino ang nanakop sa ating bansa.

Pero sa nagdaang bagyong Ondoy at Pepeng, nakakubli/nakatago ang mga tunay na may sala at salarin. Nagkukubli sa salitang parusa ng “Tadhana”, pero ang mga gahaman sa TUBO na mga kapitalista at mga tiwaling Politiko (TRAPO) ay hindi nakakapagtago kay Urban planner and architect Felino Palafox Jr. Aniya: “Government agencies and private developers are jointly liable for the massive loss of life and property in several Metro Manila cities for practicing poor urban planning and allowing commercial and residential structures to be built in flood-prone areas”.

Huling kwarto ng 2009, naganap ang karumaldumal na MASAKER at MARTIAL LAW sa Maguindanao na kumitil sa 57 sibilyan na karamihan ay mga kapatid natin sa Mass Midya. Matapos mag-alaga ng mga War Lords, mga Mandaraya sa Election, mga Magnanakaw sa kaban ng Bayan, mga Mamamatay-tao at maganap ang karumaldumal na masaker sa 57 sibilyan at mamahayag. Heto! Martial Law daw ang solusyon. Kailangan daw ang Martial Law para sawatain ang War Lords. Sawatain? o pagtakpan ang kanyang mga alyado?

Malalim ang pinag-uugatan ng naganap na Masaker at Deklarasyong Martial Law ni GMA. Hindi lamang Unconstitutional at Illegal, kundi behikulo ito ni GMA para sa habang panahon niyang panunungkulan sa mataas na pwesto sa gobyerno. From President into Congresswoman. Congresswoman to Speaker of the House into Prime Minister.(Big Boss muli ng bansa).

1. Palubog na ang barko (Administrasyon) ni GMA. Dahil sa sunod-sunod na mga korapsyon, paglabag sa karapatang pantao ng pamahalaan, laganap na kagutuman, dislokasyon sa paninirahan, malawakang tanggalan sa trabaho, epekto ng pandaigdigang crisis at Bagyong Ondoy.
2. Bangkarote ang administrasyon ni GMA, na maaaring ikatalo ng kanyang mga ”manok” sa nalalapit na halalan ngayon May 10, 2010.
3. Nanganganib na siya’y makulong ng walang pyansa. Kahit pa manalo siyang Congresswoman sa Pampanga dahil sa 31 niyang kasong Pandarambong, Kapabayaan at pagtataksil sa Bayan (treason).
4. May bali-balitang may minahang bubuksan sa Maguindanao, hindi ito masimulan dahil sa dami ng taong naninirahan.
5. Testing the Water ito, para sa posibleng Failure of Election o deklarasyon muli ng Martial Law hind lamang sa Maguindanao, kundi sa buong kapuluan.

Nakakabahala ang naganap na Masaker at Deklarasyon ng Martial Law sa Maguindanao. Dahil ang Commander-in- Chief ng AFP/PNP at mga War Lords, gaya ng mga Ampatuan ay si GMA mismo. Kung kaya hindi imposible na mapagtakpan ang mga Ampatuan sa nilikha nilang krimen, Gayundin ang pag-abuso ng mga Militar sa Otoridad na ipinagkaloob sa kanila ni GMA. Sa dulo, mamamayang-Moro at Sambayanang Pilipino (mga sibilyan, manggagawa’t maralita) ang naging biktima at napinsala sa Martial Law ni Arroyo.

Mga kasama at mga kababayan, maging mapagbantay tayo sa bawat oras at panahon. Hindi magandang pangitain ang ipinamalas ng taong 2009. Hanggang sa ngayon wala pang nakikitang solusyon ang mga kapitalista sa pandaigdigang krisis na sila mismo ang may gawa. Sinisisi ang kalikasan at pabago bago ng klima (climate change), samantala sila ang sumira sa Inang-Kalikasan. Nakakabahala ang nalalapit na 2010 election, halihaw ang mga politiko sa iba’t-ibang partido ng mga kapitalista, kung saan may pera at may tantyang panalo doon sila. Kahit isinuka na nila sa nakalipas na eleksyon, muli nilang hihimurin para sa ambisyong manalo at patuloy na makapag-nakaw sa pondo ng bayan at likas yaman ng ating lipunan. Kaya hindi malayo na maging marahas ang nalalapit na halalan.

Bago magtapos ang taong 2009, nagbabadya ang pagsabog ng bulkang Mayon sa Bicol, kung ngayong Kapaskuhan ay hindi natin ramdam ang kagutuman at kahirapan hanggang sa nalalapit na halalan sa Mayo 2010, dahil sa binubusog tayo ng mga pulitiko, pero isa lang ang tiyak, sa una at ikalawang kwarto ng 2010, maaaring mag-alburoto ang Social Volcano, ang pag-aalsa ng masang Pilipino. Na maaaring salubungin ito ng mga politikong talunan, dahil sa laganap na naman ng dayaan sa halalan o kundi man ay ang ”Failure of Election” sa May 2010.

ISABUHAY ANG TUNAY NA DIWA NG PASKO! PAGMAMAHAL HINDI LAMANG SA SARILI AT KAPWA!

MAHALIN, BANTAYAN ANG KALIKASAN AT LIPUNAN! DON’T CHANGE THE CLIMATE! CHANGE THE SYSTEM!

MAGHANDA! MAGHANDA! MANGHANDA! MAG-ORGANISA! MAG-ORGANISA! MAG-ORGANISA!MAG-ORGANISA NG MGA PAKIKIBAKA!

Bukluran ng Manggagawang Pilipino
Southern Tagalog (BMP-ST)
Ika-23 ng Disyembre, 2009

Polyeto - Nobyembre 30

Nobyembre 30
Martsa Laban sa Krisis at Kahirapan!
Martsa para sa Gobyerno ng Masa!

Bagamat mahigit isang buwan na ang lumipas mula ng manalasa sa bansa ang tatlong sunod sunod na bagyo (Ondoy, Pepeng at Santi) di pa rin mabura sa isipan ng mga naging biktima ang delubyong inihatid ng tatlong bagyo. Laman pa rin ng mga pag-uusap ang kani-kanilang masamang karanasang naglublob at nagwasak ng kanilang naipundar na kabuhayan.

Wala halos nailigtas ang marami sa mga naging biktima dahil walang ginawang pag-abiso ang gobyerno na magpapakawala ng malaking bolyom ng tubig mula sa dalawang dam sa kasagsagan ng malakas na ulan. Wala ring paghahandang ginawa ang gobyerno sa pagharap sa ganoong klase ng kalamidad kayat daan daang bilang ng tao ang nangamatay.

Nalantad ang pagkabangkarote ng gobyerno sa pag-agapay sa mamamayang nangangailangan ng kalinga nang mapag-iwanan ito ng pribadong sektor sa pagbibigay ng tulong sa mga biktima ng grabeng pagbaha.

Subalit ang higit na masakit, matapos ilubog sa kahirapan ng tatlong bagyong nagdaan, nakaamba naman ngayon ang demolisyon sa tahanan ng mga kapatid nating maralita na nakatira sa baybay ilog, lawa at creek na idineklara ng pamahalaan na danger zone. Masakit ito dahil walang tiyak at matinong lugar na paglilipatan. Kung mayron man ito ay napakalayo, walang tubig, kuryente, eskwelahan, ospital at higit sa lahat walang ikabubuhay.

Hindi malayo ang kalagayang ito sa katayuan ng mga manggagawa sa pabrika na bago pa man ang bagyo ay tinatanggal na sa trabaho dulot ng kapitalistang krisis ng sobrang produksyon. Tambak ang produkto sa mga warehouse at merkado resulta ng matinding kompetisyon na naglatag ng kondisyon sa di planadong paglikha. Sobra ang produkto sa mga taong may pera upang ikunsumo ito. Mas maliit ang bilang ng may kapasidad bumili sapagkat marami nang walang trabaho o kung mayroon man, karamihan sa mga manggagawa ay kontraktwal na napakababa ang suweldo.

Maging ang lumalaking bilang ng sektor ng transportasyon ay umaangal sa walang patid na pagtaas ng presyo ng langis at gasoline. Di na makahabol ang halaga ng kanilang kinikita sa presyo ng kanilang arawang pangangailangan. Problema ng sektor ang patakarang deregulasyon ng pamahalaan sa industriya ng petrolyo na nagbibigay ng buong laya at kapangyarihan sa mga dambuhalang kompanya ng langis na magtaas ng magtaas ng presyo sa halagang gusto nila.

Sa lahat ng problema at pasakit na dinaranas na ito ng masa ng sambayanan, wala tayong masilip na pagmamalasakit mula sa Gobyerno ni Gloria Arroyo at maging sa mga pumapagitnang kandidato na nagpepresenta ng sarili bilang kapalit ng kasalukuyang administrasyon. Walang makabuluhang programa at tindig para sa pagbabago matapos ang eleksyon sa susunod na taon.

Lahat ay umaangkas lang sa mga popular na isyu tulad ng OFW, Kalikasan, Kurapsyon, paggogobyerno, subalit walang umuupak sa salot ng kapitalismo o kahit sa neo- liberal na patakarang pang-ekonomiya na siya naman talagang puno’t dulo ng krisis at kahirapan ng masa ng sambayanan. Tulad din ni Gloria at ng lahat ng naging presidente ng ating bansa sa nakaraan, lahat sila ay taga pagtanggol ng interes ng kapitalista, naghahangad lang na pumuwesto sa Malacanang kapalit ni Gloria; makapaghari, protektahan at higit na palaguin ang kanilang kayamanan.

Ang ating Paninindigan

Sa ganitong sitwasyon natin gugunitain ang paparating na araw ng dakilang bayaning si Gat Andres Bonifacio. Nakalubog pa rin sa kahirapan at kaapihan ang masa ng sambayanan sa kabila nang inabot na pag-unlad at produktibidad ng lipunan sa nakalipas na 146 na taon.

Walang ipinagbago, mas lumala pa nga. Umabot na sa 15.7 % ng mamamayang Pilipino ang nakakaranas ng di pagkain sa nakalipas na tatlong buwan bago ang bagyo. Labinlimang milyong kabataang ang di nakakapag-aral. Mahigit 4 na milyong pamilya ang walang matinong tahanan. 15 milyon ang mga manggagawang wala at kulang sa trabaho, mababa ang sahod at ang buong mamamayan ay nahihirapang abutin ang napakataas na presyo ng bilihin at serbisyo.

Nagaganap ito dahil una, kurap ang gobyerno. Halos P400 bilyon ng taunang budget ay ninanakaw. Ikalawa, may gobyerno nga tayo pero walang malasakit sa mamamayan dahil sa bukod sa magnanakaw ay elitista at tuta ng mga kapitalista’t asendero. Ikatlo, ang mga batas at patakaran ay pabor sa mga kapitalista’t asendero kaya’t 90% ng likhang yaman ng bansa ay napupunta sa kamay ng 5% ng populasyon at ang natitirang 10% ay pinag-aagawan ng 95% ng mamamayan!

Ang naganap na bagyo ay nagpalala lamang sa dati nang hirap at aping kalagayan ng masa ng sambayanan. Wala pa man si Ondoy, Pepeng at Santi ay gumagapang na sa hirap ang masang manggagawa, sistematikong pinagsasamantalahan ng mga trapo, kapitalista at asendero ang sambayanan. Sistema ang problema. Kapitalistang sistema. Ito ang salot na nagbuhos ng sobra sobrang kayamanan sa iilan at nagsadlak sa kahirapan at kaapihan sa milyong bilang ng mamamayan.

Mga kasama, lalo pang tumitibay ang batayan upang ipagpatuloy ang sinimulang rebolusyon ng mga katipunero at ni Gat Andres Bonifacio. Sapat na ang daang taong nagdaan upang patunayan na walang intensyon ang mga kapitalista at trapong pulitiko na resolbahin ang kahirapan at kaapihan ng masa. Ang hangad nila ay manatili ang kasalukuyang kaayusan para sa kanilang tuloy tuloy na paghahari at kasaganaan.

Sistema ang problema, kapitalistang sisitema! Walang ibang solusyon kundi ang ipagpatuloy ang rebolusyon hanggang sa tagumpay para sa makabuluhang pagbabago! Wakasan ang elitistang paghahari at itayo bilang kapalit ang Gobyerno ng Masa!

Kasabay nito’y ilaban natin ang mga kagyat at ispesipikong kahilingan:

1. Ipagtanggol ang paninirahan! Walang demolisyon kung walang matinong relokasyon!
2. Labanan ang walang tigil na pagtaas ng presyo ng langis at gasolina!
3. Ibasura ang Oil Deregulation Law!
4. Itigil ang kontraktwalisasyon! Regular na trabaho para sa lahat!

Dumalo sa pagkilos sa Nobyembre 30, 9am sa harap ng DOLE Intramuros, Manila.

Sumama sa Martsa laban sa krisis at kahirapan, martsa para sa Gobyerno ng Masa!

memo para sa nobyembre 30

Para sa: Lahat ng Unyon, Asosasyon at Buklod
Hinggil sa: Pagkilos sa Nobyembre 30
Mula sa: Komite Sentral
Petsa: Nobyembre 22, 2009
_____________________________________________________________________________________

Martsa Laban sa Krisis at Kahirapan!
Martsa para sa Gobyerno ng Masa!

Ang Sitwasyon

Bagamat mahigit isang buwan na ang lumipas mula ng manalasa sa bansa ang tatlong sunod sunod na bagyo (Ondoy, Pepeng at Santi) di pa rin mabura sa isipan ng mga naging biktima ang delubyong inihatid ng tatlong bagyo. Laman pa rin ng mga pag-uusap ang kani-kanilang masamang karanasang naglublob at nagwasak ng kanilang naipundar na kabuhayan.

Wala halos nailigtas ang marami sa mga naging biktima dahil walang ginawang pag-abiso ang gobyerno na magpapakawala ng malaking bolyom ng tubig mula sa dalawang dam sa kasagsagan ng malakas na ulan. Wala ring paghahandang ginawa ang gobyerno sa pagharap sa ganoong klase ng kalamidad kayat daan daang bilang ng tao ang nangamatay.

Nalantad ang pagkabangkarote ng gobyerno sa pag-agapay sa mamamayang nangangailangan ng kalinga nang mapag-iwanan ito ng pribadong sektor sa pagbibigay ng tulong sa mga biktima ng grabeng pagbaha.

Subalit ang higit na masakit, matapos ilubog sa kahirapan ng tatlong bagyong nagdaan, nakaamba naman ngayon ang demolisyon sa tahanan ng mga kapatid nating maralita na nakatira sa baybay ilog, lawa at creek na idineklara ng pamahalaan na Danger Zone. Masakit ito dahil walang tiyak at matinong lugar na paglilipatan. Kung mayroon man, ito ay napakalayo, walang tubig, kuryente, ospital, eskwelahan at higit sa lahat walang ikabubuhay.

Hindi malayo ang kalagayang ito sa katayuan ng mga manggagawa sa pabrika na bago pa man ang bagyo ay tinatanggal na sa trabaho dulot ng kapitalistang krisis ng sobrang produksyon. Tambak ang produkto sa mga warehouse at merkado resulta ng matinding kompetisyon na naglatag ng kondisyon sa di planadong paglikha. Sobra ang produkto sa mga taong may pera upang ikunsumo ito. Mas maliit ang bilang ng may kapasidad bumili sapagkat marami na ang walang trabaho o kung mayroon man, karamihan sa mga manggagawa ay kontraktwal na napakababa ang suweldo.

Maging ang lumalaking bilang ng sektor ng transportasyon ay umaangal sa walang patid na pagtaas ng presyo ng langis at galolina. Di na makahabol ang halaga ng kanilang kinikita sa presyo ng kanilang arawang pangangailangan. Problema ng sektor ang patakarang deregulasyon ng pamahalaan sa industriya ng petrolyo na nagbibigay ng buong laya at kapangyarihan sa mga dambuhalang kompanya ng langis na magtaas ng magtaas ng presyo sa halagang gusto nila.

Sa lahat ng problema at pasakit na dinaranas na ito ng masa ng sambayanan, wala tayong masilip na pagmamalasakit mula sa Gobyerno ni Gloria Arroyo at maging sa mga pumapagitnang kandidato na nagpepresenta ng sarili bilang kapalit ng kasalukuyang administrasyon. Walang makabuluhang programa at tindig para sa pagbabago matapos ang eleksyon sa susunod na taon.

Lahat ay umaangkas lang sa mga popular na isyu tulad ng OFW, Kalikasan, Kurapsyon, paggogobyerno subalit walang umuupak sa salot ng kapitalismo o kahit sa neo-liberal na patakarang pang-ekonomiya na siya naman talagang puno’t dulo ng krisis at kahirapan ng masa ng sambayanan. Tulad din ni Gloria at ng lahat ng naging presidente ng ating bansa sa nakaraan, lahat sila ay taga pagtanggol ng interes ng kapitalista, naghahangad lang na pumuwesto sa Malacañang kapalit ni Gloria. Makapaghari, protektahan at higit na palaguin ang kanilang kayamanan.

Ang ating Paninindigan

Sa ganitong sitwasyon natin gugunitain ang paparating na araw ng dakilang bayaning si Gat Andres Bonifacio. Nakalubog pa rin sa kahirapan at kaapihan ang masa ng sambayanan sa kabila nang inabot na pag-unlad at produktibidad ng lipunan sa nakalipas na 146 na taon.

Walang ipinagbago, mas lumala pa nga. Umabot na sa 15.7 % ng mamamayang Pilipino ang nakakaranas ng di pagkain sa nakalipas na tatlong buwan bago ang bagyo. Labinlimang milyong kabataang ang di nakakapag-aral. Mahigit 4 na milyong pamilya ang walang matinong tahanan. 15 milyon ang mga manggagawang wala at kulang sa trabaho, mababa ang sahod at ang buong mamamayan ay nahihirapang abutin ang napakataas na presyo ng bilihin at serbisyo.

Nagaganap ito dahil una, kurap ang gobyerno. Halos P 400 bilyon ng taunang budget ay ninanakaw. Ikalawa, may gobyerno nga tayo pero walang malasakit sa mamamayan dahil sa bukod sa magnanakaw ay elitista at tuta ng mga kapitalista’t asendero. Ikatlo, ang mga batas at patakaran ay pabor sa mga kapitalista’t asendero kayat 90% ng likhang yaman ng bansa ay napupunta sa kamay ng 5% ng populasyon at ang natitirang 10% ay pinag-aagawan ng 95% ng mamamayan.

Ang naganap na bagyo ay nagpalala lamang sa dati nang hirap at aping kalagayan ng masa ng sambayanan. Wala pa man si Ondoy, Pepeng at Santi ay gumagapang na sa hirap ang masang manggagawa, sistematikong pinagsasamantalahan ng mga trapo, kapitalista at asendero ang sambayanan. Sistema ang problema. Kapitalistang sistema. Ito ang salot na nagbuhos ng sobra sobrang kayamanan sa iilan at nagsadlak sa kahirapan at kaapihan sa milyong bilang ng mamamayan.

Ang ating Panawagan

Tuloy-tuloy na isulong ang sinimulang rebolusyon ni Gat Andres Bonifacio. Gamitin natin ang mga datos ng pagsasamantala at kahirapan upang pakilusin ang malawak na masa ng sambayanan, wakasan ang elitistang paghahari at itayo bilang kapalit ang Gobyerno ng Masa!

Kasabay nito’y ipanawagan natin ang mga kagyat at ispesipikong kahilingan;

1. Ipagtanggol ang paninirahan! Walang demolisyon kung walang matinong relokasyon.
2. Labanan ang walang tigil na pagtaas ng presyo ng langis at gasolina!
3. Ibasura ang Oil Deregulation Law!
4. Itigil ang kontraktwalisasyon! Regular na trabaho para sa lahat!

Ang kondukta ng Pagkilos sa Nov 30

Ika-9 ng umaga ang pagkikita sa gate ng Dole sa Intramuros, Manila. Magkakaroon dito ng dalawang oras na programa at matapos ito ay magmamartsa patungong Liwasang Bonifacio kung saan ay makakasama natin ang iba pang mga pambansang organisasyon ng mga manggagawa at maralita.

Magkakasama-sama sa martsa ang BMP, SUPER, MELF, KPML, PMT, AMA, MMVA, PLM, SANLAKAS, ZOTO, SDK, KALAYAN, KPP at PK.

Matapos ang maikling programa sa Liwasang Bonifacio, ang lahat ay sama-samang magmamartsa tungo sa Mendiola upang iparating kay Gloria Arroyo ang pagkasuklam ng masa ng sambayanan sa kanyang gobyerno.

Tagubilin

Maglunsad ng pulong ng Pamunuan at kasapian upang pagkaisahin sa mga isyu’t paninindigan ng ating organisasyon at tiyakin ang kanilang partisipasyon sa Nobyembre 30. ######

PR - Release SSS Calamity Fund Now!

PRESS RELEASE

Bukluran ng Manggagawang Pilipino -Partido Lakas ng Masa

October 9, 2009

RELEASE SSS CALAMITY FUND NOW!

Members of the Bukluran ng Manggagawang Pilipino (BMP) under Partido Lakas ng Masa (PLM) picketed in front of the office of the SSS (Social Security Syetem) to demand the release of funds of its members.

The Social Security Agency is a government office intended to secure the benefits of the workers in the private sector through loans. One such loan is the Calamity Loan, which is aimed at providing immediate relief to SSS members in times of calamity.

However, since 2004, SSS stopped the disbursement of the Calamity Loan. Recently, Tropical Storm Ondoy damaged the lives and livelihood of thousands of SSS members. The Calamity Loan, if made available, could have provided much needed relief to members desperately seeking for help.

Leody De Guzman, Chairperson of the Bukluran ng Manggagawang Pilipino (BMP), lamented that, “We are very disappointed with SSS’s insensitivity to its members in these times of crisis. Even if SSS declared for the earlier renewal of the members’ Salary Loan, this is a mere token help for the members and not all members’ are qualified enough to enjoy it. Furthermore, the Salary Loan is regularly received by a qualified loaner and is not intended for calamity relief. Therefore, SSS must not make fools out of us by putting the Salary Loan as the alternative for the Calamity Loan.”

Such insensitivity has led to a snail-paced relief effort from the government. It is a shame in the part of SSS that most private foundations and peoples’ organizations have quicker response during times of calamity. Such is a big slap in the face of SSS, which collects billions of pesos from all its members.

“We demand for the release of the SSS Calamity Loan NOW! The hard-earned contributions of its members must be given without any delay for it is the mandate of SSS to secure the benefits of its members.” De Guzman further added.

The group held a short program and vowed to escalate their demands to pressure the SSS and will elevate the issue to Malacañang.

Dagdag na Datos sa Relief Operation

RIZAL Area
	AREA LOCATION	No. of Affected Families	Status	Things Needed	Contact Person	Contact Number
	Montalban BUTODA BRG KV-1 MANGGATODA WOWTODA Brgy.Geronimo Brgy.Balete Cainta Taytay Binangonan	120 100 100 140 120 350 300 1,500 Families 500 Families 350 Families		Food, Water, Medicine, Clothing	Jojo PMT Elna Rizal Baby Onilongo	09228457071 09084816376 09289596893
Laguna AREA Over All: Ronie Luna 09175223194 09185663923 Ding Tuiza 09289755089	San Pedro: Brgy. Landayan, South Fairway, Cuyad, San Roque, Tamuro Binan : Brgy. San Antonio, Dela Paz, Wawa, Malaban Santa Rosa: Boung South Ville -2 Brgy. Aplaya, Sinalhan, Caingin Cabuyao: South Ville in Cabuyao compost 4 Brgy. Marinig, San Isidro, Lake View, Baclaran Calamba City: Brgy. Samperuhan, Looc, Aplaya, Parian Pansol, Bagong Kalsada Los Banos: Brgy. Maahas, Laylayan at Aplaya Tadlak and Poblacion Bay : Brgy. San Isidro, Sto. Dominggo, Aplaya, Laylayan Fami: Sa pangkalahatan ay lubog pa ang mga bahayan sa palibot ng Laguna De Bay: gaya ng: Pila, Santa Cruz, Lumban, Siniloan, Mabitak, Pangil, Sta. Maria, Pakil, Victoria, Kalayaan, Paete, Los Banos, Calamba, Cabuyao, Santa Rosa, Binan, San Pedro. Total sa Laguna: May 147 Evacuation Center at 77,000 Families	7,000 Families mostly Workers and Urban Poor 4,000 Families 6,500 Families 7,000 Families 18,000 Families 4,000 Families 3,000 Families 700 Families	Until Now Flooded Until Now Flooded Still flooded Still flooded Still flooded in Brgy.Looc, Aplaya and Bagong Kalsada Still Flooded Still Flooded (Landslide)	Food, Water, Medicine, Clothing Food, Water, Medicine, Clothing Food, Water, Medicine, Clothing Food, Water, Medicine, Clothing Food, Water, Medicine, Clothing Food, Water, Medicine, Clothing Food, Water, Medicine, Clothing Food, Water, Medicine, Clothing	Monic Albao Melvina Evangelista Blk.6, Lot11 South Fairway, Sn. Pedro Robert and Lala Ka. Menong Humarang Boboy Villar Ely De Guzman Jojo Reverra Ding Tuiza Daboy Jardin Nick Brgy. Trea. In Brgy. San Isidro Ding Tuiza Laguna Urban Poor & Housing Development Office, Laguna Province	09084882672 09297039105 09215161618 09197827866 09204264548 09204293187 09282494003 09289755089 09083084661 09192315260 09289755089

Relief Operation Matrix

RELIEF OPERATION MATRIX 1000 families

PROVINCE/CITY/MUNICIPALITY

City	AREA LOCATION	No. of Affected Families	Status	Things Needed	Contact Person	Contact Number
Quezon City	Tatalon, Tagupo St.	88 families	Submerged	Food and Clothing	Samahan ng mga Magkakapitbahay ng Delgado Comp. c/o Cenon Sabanan (Pres.) or Dennis	09228761095
	Brgy. Sto. Domingo, P. Florentino St.	1,000 families	2 dead (electrocuted)	Food and Clothing Foods	Ka Albo and Linda Perez Dennis/Dante	09228761095
	Agno St., Brgy. Tatalon	500 families	13 dead	Submerged, sunog	Dennis	09228761095
	Bagong Silangan (opposite Batasan main gate, nr DSWD building). Site of relief distrib: covered court nr barangay hall; school)	2,800 families	36 dead	Food, clothing, water, portalets (3), medicines	William Cerdeña Sanlakas	09182252016
	Damayan Lagi (riverside)	2,500 families	Submerged	Food, water, medicine	Dennis/Dante	09228898134
Marikina	Paradise, Malanday	351 families	1 dead	Food, clothing, blankets	Larry Pascua	09055086518
	Olandes, Brgy. IBC	1,500 families		H2O, Food	Joel Lachica	09295614362
	Brgy. Tomana	6,000 families	Sumerged 30ft baha 13 dead (partial)	H2O, food, damit, medicines	Cris Carorocan	09089655895
Pasig	Willarey Subd., Pinagbuhatan	(199) 4,000 families	still flooded	Rubber Boat, water, food, clothing	Nelia Vibar	6438456
	Sitio Nagpayong	1,000 families	Still flooded	Rubber Boat, water, food, clothing	Danny	09225438555
	Santolan	2,000 families	Submerged	H2O, food
Cainta	Brgy. San Andres	1,620 families	Still flooded	Water, food, damit, medicines
Manila	De Paco, Paz St.	501 families	Submerged	Food, water, clothing	Marlyn	09194572791
	Punta	550 families			Dong Hernandez	09154467319
	San Andres Bukid at Pasig Line	200 families			Amy Perez
	Baseco, R10	120 Families	Tinangay ang mga bahay 3 bata ang namatay	Food, water, clothing	Virgie/Leo	09291729423 09106668529
Paranaque	San Antonio C-5 and NAIA runway	200 Families	Maraming nasirang bahay, 1 dead	Food, H2O	Edgar	09195928934
Las pinas	Pulang Lupa Z-10	145 families	Submerged	foods	Rose Amador	09084153613
Caloocan	Palmera spring’s	80 families	Submerged	Food, blankets	Leny Olimpio Jubille South	925-30-36
	Dagat-dagatan, Dawata	320 families	Submerged	Food, water, clothing	Kokoy	09185841384
Malabon	Letre	856 families	Submerged		Gie	09235896804
	Potrero Puno	940 families	Still flooded	Food, water, clothing	Gie	09235896804
	Longos, Pinagsabugan	225 families	Submerged	Food, water, clothing	Sami	09292555772
Navotas	C-3 creek(Manalo)	172 families	Submerged	Food, water, clothing	Sami	09292555772
Bulacan	San Jose, Del Monte Bangkal Mambog Look 2nd Longos Sto. Nino Dapdap Malis	60 Families 10 families 3 families 4 families 5 families 20 families 30 families 10 families	Submerged	Food, medicine, clothing	Leny Olimpio Jubille South Dennis Asne of AMA	925-30-36 0923-379-1385
Rizal	Lupang Arenda, Brgy. Sta. Ana, Taytay	2,000 families	Still flooded	H2O, Food, medicines	Teng Barlos	09215666586
	Naagting, Sitio Siwang, San Juan	50 Families	Still flooded	H20,food,medicines	c/o Cion
	Montalban BUTODA BRG KV-1 MANGGATODA WOWTODA Brgy.Geronimo Brgy.Balete	120 100 100 140 120 350 300		Foods	Jojo PMT	09228457071
Laguna	Brgy. Landayan, Fairway, Cuyad, in San Pedro Brgy. Sto Nino, Dela Pax at Laylayan Aplaya in Binan Laguna Boung South Ville -2 in Santa Rosa, Brgy. Aplaya, Sta. Rosa Laguna Cabuyao: South Ville in Cabuyao compost 4 Brgy. Marinig, San Isidro, Lake View, Baclaran Brgy. Samperuhan, Looc, Aplaya, Parian Pansol, Bagong Kalsada in Calamba City Brgy. Maahas, Laylayan at Aplaya and Poblacion in Los Banos Brgy. San Isidro, Sto. Dominggo, Aplaya, Laylayan in Bay Laguna	5,000 Families mostly Workers and Urban Poor 4,000 Families 3,500 Families 10,000 Families 7,000 Families	Still flooded Still flooded in Brgy.Looc, Aplaya and Bagong Kalsada		Ronie Luna	09175223194

Total: 60,590 families

68 dead

Partial Report 10/1/09

Paninindigan ng BMP laban sa JPEPA

Paninindigan ng BMP laban sa JPEPA

isinalin mula sa orihinal na Ingles ni Greg Bituin Jr., manunulat ng pahayagang Obrero, nalathala sa pahayagang Obrero, Oktubre 2007 isyu

Panawagan ng Manggagawa: Ibasura ang JPEPA!

Kinokondena namin, kaming mga manggagawa mula sa Bukluran ng Manggagawang Pilipino at kasapi ng mga alyadong samahan mula sa sektor ng mga maralita ng lunsod at magsasaka, ang pamahalaang Pilipinas dahil sa paglagda nito sa Japan-Philippines Economic Partnership Agreement noong Setyembre 8, 2006 sa Helsinki, Finland nang walang konsultasyon sa mamamayan lalo na sa mga sektor na apektado ng kasunduang ito.

Ngayon, napwersa ng gobyernong pakinggan ang panawagan ng publiko upang sang-ayunan at ratipikahan ang JPEPA, nananawagan kami sa ating mga senador na maging isa sa publiko at sa mamamayan sa pagbasura sa kasunduang ito dahil sa mga sumusunod na kadahilanan:

Una, ang kasaysayan ng kasunduan sa ekonomya sa pagitan ng Japan at ng Pilipinas ay karaniwang inilalarawan sa pagsasabing ang Japan ang pinakamalaking pinagmumulan ng direktang dayuhang pamumuhunan sa Pilipinas at gayundin naman, ang pinakamalaking pagkukunan ng bansa ng opisyal na tulong pangkaunlaran. Noong 2003, ang lumalaking bugso ng Pilipinas ay nagkakahalaga ng $22.1B, habang ang kabuuang ODA mula sa Japan nong 2002 ay nagkakahalaga ng kabuuang 41.4 bilyong yen. Gayunpaman, pagkalipas ng 20 taon ng pamumuhunan, pakikipagkalakalan at pangungutang, ang lumang kasunduang pang-ekonomya sa pamamagitan ng 1979 RP-Japan Treaty of Amity, Commerce and Navigation ay nakakapaglikha lamang ng maliit na ganansya para sa Pilipinas. Sa katunayan, nasa 55.5% ang bahagi ng mga pautang ng bilateral ODA ng Japan, at noong 1996, 60% ng mga pautang na ito ay natali sa mga kondisyon tulad ng pagkuha ng mga makinarya ng Japan, atbp.

Ikalawa, kahit na nananatili pa ring ang Japan ang ikalawang destinasyon ng pagluluwas ng mga produkto ng Pilipinas tulad ng prutas, gulay, produktong mula sa dagat at iba pang produktong elektronik at semiconductor, ang paglaga ng halaga ng kalakal sa pagluluwas at pagpasok kasabay ng Japan, o ang balance ng kalakalan ng bansa sa nakaraang anim na taon, ay nananatiling kapos. Nananatili ang bansa bilang tagaluwas ng mga produktong Hapon kung saan mas mataas ang halaga ng import sa eksport ng may taunang pinatakang halaga na $ 949,149,501 M US para sa taon 2000-2006.

Sa mga huling pag-aaral (Vibal, 2007) ng Task Force Food Sovereignty na nagsasabing ang mga eksport ng Pilipinas sa japan ay binubuo pangunahin ng mga produktong industryal na may pinatakang halaga na 77% ng kabuuang eksport sa Japan. Ang bahagi ng tubo ay nasa pinatakang halaga ng $ 6.9B US. Sa pagitan ng mga produktong industryal, ang mga elektroniko ang pinakamalaking bulto ng eksport, kasunod ay makina at kagamitang pambiyahe at bahagi nito.

Ikatlo, bagamat binigyang pansin ng pinondohan-ng- gobyernong pag-aaral ng Philippine Institute for Development Studies or PIDS na ang pagbabawas at pagtatanggal ng taripa sa JPEPA ay mahalaga sa pagpapatatag ng pagsasamang pang-ekonomya ng Japan at Pilipinas at mahalaga rin itong bahagi ng kasunduan, kasama ang bahagi ng isang posibleng kasunduan sa malayang kalakalan (upang hustong umaayons sa Artikulo XXIV ng General Agreement on Tariffs and Trade).

Gayunpaman, habang inaasahang babaan at sa kalaunan ay mawala na ang taripa sa mga produktong agrikultural at industryal ng Pilipinas, ang tinutukoy naman ng mga Hapon ang kahirapan ng pagtatanggal ng taripa sa sektor ng agrikultura at pangingisda dahil sa maraming gampanin ng mga sektor na ito. Sa katunayan, hinihiling ng mga kinatawan ng sektor ng agrikultura at pangingisda sa Japan na malibre na ang ilang produktong agrikultura at pangingisda mula sa pagtatanggal ng taripa tulad ng prutas, gulay at sardines. Dagdag pa rito, nailibre ng Japan ang 32 sa mga industryal na produkto nito sa pagtanggal ng taripa.

Ikaapat, ang pagpasok ng mumurahing imported na produktong agrikultura at pangingisda, pati na iba pang panindang industryal tulad ng mga sobrang kagamitang elektrikal ng Japan at kahit na ang mga nagamit nang mga damit ay magtutulak upang bumaba ang presyo ng pangunahing mga bilihin sa maikling panahon lamang, ngunit sa pangmatagalan, napakasama ng epekto ng pagpasok ng mga murang produkto mula sa Japan sa ating seguridad sa pagkain at sa ating lokal na industriya (tulad ng agrikultura at pangingisda, kasuotan at tela, elektroniko, atbp.)

Para sa sektor ng paggawa, bagamat may pangungusap sa paggawa sa ilalim ng Investment and Labor section ng JPEPA, tulad ng Artikulo103 sa Kabanata 8 na nagsasabing “na dapat sa walang pagbaba sa mga batas paggawa sa bansa kapag nanghimok ng pagpasok ng pamumuhunan sa bansa at ang mga pamantayan sa paggawa na isinasaad ng International Labor Organization (ILO) ay ipatutupad tulad ng minimu wage, oras ng trabaho, kalusugan at kaligtasan.”

Gayunpaman, ang pangungusap na ito sa paggawa ay salungat sa probisyon ng Review of Laws and Regulations (Artikulo 4, Kabanata 1) ng JPEPA na ipinagkakasundo na tungkulin ng bawat partido na: “Timbangin ang posibilidad ng pag-amyenda at pagpapawalangbisa ng mga batas at alituntuning may kaugnayan sa JPEPA kung wala na ang mga kalagayan at layunin para ito pagtibayin o kung ang mga kalagayan at layunin ay maaaring malutas sa paraang kaunti ang limitasyon sa kalakalan.”

Para sa sektor ng paggawa, ang ibig sabihin ng “kaunti ang limitasyon sa kalakalan” na ang proteksyon ng pamumuhunan ay mas mahalaga kaysa iba pang usapin kahit na sa proteksyon ng karapatan at pamantayan sa paggawa. Sa katunayan, bagamat walang batas na sumasang-ayon halimbawa sa polisiyang “walang unyon, walang welga” sa mga espesyal na pang-ekonomikong sona, ang di-tamang gawaing ito ay ginagawa at maaari ring lumaganap pa kapag nalagdaan na bilang tratado ang JPEPA at nagkabisa na.

Panghuli, isa sa pangunahing katwiran ng administrasyong Arroyo sa pagtulak ng JPEPA ay ang umano’y pag-eksport ng wala pang isanlibong caregiver at mga nars bawat taon. Gayunpaman, maraming mga tanong hinggil sa mga mahigpit na rekisito at mapamiling alituntuning nakasaad sa parehong probisyon sa ilalim ng JPEPA, na nagsisilbing kaduda-duda ang sinseridad ng gobyernong Japan sa pagpasok ng ating mga health professional sa kanilang sistemang healthcare. Dagdag pa, may tumitinding pag-aalala sa kabuuang konstribusyon na ang kasunduan ay merong tinatawag na social cost ng migrasyon, pati na rin pagkaubos ng mga kinakailangang health worker, na kinatatakutang resulta ng pagbaba ng kalidad ng sistema ng kalusugan sa bansa.

Sinasalamin ng JPEPA ang patuloy nitong paiba-ibang pagtangan sa negosasyong pangkalakalan – dahil lamang wala tayong malinaw na pambansang balangkas ng pagsulong (national development framework) sa pagpasok sa mga katulad nitong kasunduan sa malayang kalakalan. Ang ilan pa sa mga pangunahing usapin ng “pambansang balangkas ng pagsulong” na ito ay dapat manindigang dapat isama ang proteksyon at paglikha ng trabaho, independensya sa pagkain, proteksyon sa kapaligiran at kalikasan, at marami pang iba. Sa huli, tiyak na tatama sa mga pangunahing sektor at sa taumbayan ang masamang epekto ng JPEPA.

04 Setyembre 2007

Maynila, Pilipinas